പാലക്കാട്: വി.കെ. ശ്രീകണ്ഠൻ അല്ല രാഹുൽ വന്ന് മത്സരിച്ചാലും കർണകി നഗറിൽ ബിജെപി മൃഗീയ ഭൂരിപക്ഷം നേടുമെന്ന് പാലക്കാട് ജില്ലാ അധ്യക്ഷൻ പ്രശാന്ത് ശിവൻ.ഇവിടുത്തെ കോൺഗ്രസ് സ്ഥാനാർത്ഥിയെ പിൻവലിപ്പിക്കാൻ ബിജെപി ശ്രമമെന്നാണ് ആരോപണത്തിന് മറുപടി പറയുകയായിരുന്നു പ്രശാന്ത് ശിവൻ.
പരാജയ ഭീതിയിൽ കോൺഗ്രസ് വെപ്രാളത്തിലാണ്. കോൺഗ്രസിന്റെ ആഭ്യന്തര പ്രശ്നങ്ങൾ മറച്ചുവെക്കാനുള്ള ശ്രമമാണ് ആരോപണങ്ങൾക്ക് പിന്നിൽ. രാഹുൽ മാങ്കൂട്ടത്തിൽ പ്രചരണത്തിന് ഇറങ്ങുന്നതിൽ കോൺഗ്രസിന് ജാള്യതയുണ്ട്. സ്ഥാനാർത്ഥിയെ സ്വാധീനിക്കാൻ ശ്രമിച്ചതിന്റെ തെളിവുകൾ പുറത്ത് വിടാൻ പാലക്കാട് എംപി വി. കെ ശ്രീകണ്ഠനെ പ്രശാന്ത് ശിവൻ വെല്ലുവിളിച്ചു…….
50ാം വാർഡിൽ ബിജെപിക്ക് ആരേയും സ്വാധീനിക്കേണ്ട ആവശ്യമില്ല. എൽഡിഎഫും യുഡിഎഫും ഒന്നിച്ച് നിന്നാൽ പോലും അവിടെ 100 വോട്ട് തികച്ച് കിട്ടില്ല. ശ്രീകണ്ഠൻ അല്ല രാഹുൽ ഗാന്ധി മത്സരിച്ചാലും വിജയം ബിജെപിക്കായിരിക്കുമെന്നും പ്രശാന്ത് ശിവൻ പറഞ്ഞു.
