പാലക്കാട് : രാഹുല്‍ മാങ്കൂട്ടത്തിലിനെ നയിക്കുന്നത് പിആര്‍ ഏജന്‍സികളാണെന്ന് വാര്‍ത്തകള്‍. ഗ്ലാമര്‍ താരങ്ങളോടൊപ്പം പരിപാടികളില്‍ പങ്കെടുക്കുക വഴി രാഹുല്‍ മാങ്കൂട്ടത്തില്‍ സ്വന്തം റേറ്റിങ്ങ് ഉയര്‍ത്തുകയാണെന്നാണ് റിപ്പോര്‍ട്ടുകള്‍.
ഏറ്റവുമൊടുവില്‍ അനുശ്രീയാണ് രാഹുല്‍ മാങ്കൂട്ടത്തിലിനൊപ്പം വേദി പങ്കിട്ടത്. രാഹുല്‍ മാങ്കൂട്ടത്തിലിന്റെ സ്മൈല്‍ ഭവന്‍ പദ്ധതിയുടെ പുതിയ വീടിന്റെ തറക്കല്ലിടല്‍ ചടങ്ങിനാണ് നടി അനുശ്രീ രാഹുലിനൊപ്പം പങ്കെടുത്തത്. സ്ത്രീപീഡന ആരോപണത്തിന്റെ കരിനിഴലില്‍ നില്‍ക്കുന്ന കോണ്‍ഗ്രസ് എംഎല്‍എയ്‌ക്കൊപ്പം വേദി പങ്കിട്ടത്തില്‍ അനുശ്രീയ്‌ക്കെതിരെയും വിമര്‍ശനങ്ങള്‍ ഉയരുന്നുണ്ട്. താരം എന്ന നിലയില്‍ പണം വാങ്ങി പരിപാടിക്ക് പോവുക മാത്രമാണ് അനുശ്രീ ചെയ്തതെന്നും ഇതില്‍ രാഷ്‌ട്രീയം കാണേണ്ടതില്ലെന്നും ചിലര്‍ അനുശ്രീയെ ന്യായീകരിക്കുന്നുമുണ്ട്. ഈ പരിപാടിയുടെ മറ്റൊരു ഹൈലൈറ്റ് രാഹുല്‍ മാങ്കൂട്ടത്തിലും അനുശ്രീയും ധരിച്ച വസ്ത്രങ്ങളുടെ നിറമാണ്. ഇരുകൂട്ടരും ചുവന്ന നിറത്തിലുള്ള വസ്ത്രങ്ങളാണ് ധരിച്ചിരുന്നത്.
അതേ സമയം താരമൂല്യമുള്ള വനിതകളുടെ അംഗീകാരം ലഭിക്കുന്നതുവഴി സ്ത്രീകളുടെ നെഗറ്റീവ് പ്രതിച്ഛായ മാറിക്കിട്ടും എന്നാണ് പിആര്‍ ഏജന്‍സിയുടെ ഉപദേശം എന്നറിയുന്നു. നേരത്തെ തന്‍വി റാം എന്ന താരത്തിനൊപ്പവും രാഹുല്‍ മാങ്കൂട്ടത്തില്‍ വേദി പങ്കിട്ടിരുന്നു.
