കൊല്ക്കത്ത: മഹാകവി വള്ളത്തോളിന്റെ 147-ാമത് ജന്മദിനത്തോടനുബന്ധിച്ചു രാജ്ഭവനില് വള്ളത്തോള് ജയന്തി ആഘോഷിച്ചു. മാര്ക്കോ ഹാളില് നടന്ന പരിപാടി ഗവര്ണര് ഡോ. സി.വി. ആനന്ദബോസ് ഉദ്ഘാടനം ചെയ്തു.
പ്രോഗ്രാം കോഓര്ഡിനേറ്റര് രാമദാസ് വള്ളത്തോള് സ്വാഗതം പറഞ്ഞു. കൊല്ക്കത്തയിലെ 12 മലയാളി സംഘടനകളുടെ കൂട്ടായ്മയായ കോണ്ഫെഡറേഷന് ഓഫ് കൊല്ക്കത്ത മലയാളി ഓര്ഗനൈസെഷനും കലാമണ്ഡലം കൊല്ക്കത്തയും ഒത്തുചേര്ന്ന് നടത്തിയ കലാപരിപാടികളില് വള്ളത്തോള് കവിതകള് ആസ്പദമാക്കി തിരുവാതിരകളി, ഭരതനാട്യം, മോഹിനിയാട്ടം, കവിതകളുടെ ദൃശ്യാവിഷ്കാരം, കവിതാലാപനം തുടങ്ങിയവ അരങ്ങേറി.
കലാമണ്ഡലം കൊല്ക്കത്ത കുട്ടികളുടെ നൃത്തം, താണ്ഡവം, മൈത്രെയി, അര്ദ്ധനാരീശ്വര തുടങ്ങി വിവിധ നൃത്തനൃത്യങ്ങള് അവതരിപ്പിച്ചു. മലയാള ഭാഷയെയും അതിന്റെ ഗഹനമായ സാഹിത്യത്തെയും വള്ളത്തോള്, കാളിദാസന്, ടാഗോര് എന്നിവരുടെ മഹത്തായ സംഭാവനകളെക്കുറിച്ചും ഡോ. സി.വി. ആനന്ദബോസ് സംസാരിച്ചു. എല്ലാ കലാകാരന്മാരെയും കലാകാരികളെയും അദ്ദേഹം അഭിനന്ദിച്ചു. മനോജ് തോമസ് പരിപാടികള്ക്ക് നേതൃത്വം ലന്കി. സുരേഷ് വൈദ്യന് നന്ദി പറഞ്ഞു.
