ബംഗളൂരു: തിരുവനന്തപുരം സ്വദേശിയായ യുവാവ് ബംഗളൂരുവിലെ ഫ്ളാറ്റില് തൂങ്ങി മരിച്ച സംഭവത്തില് രണ്ടു പെണ്സുഹൃത്തുക്കള്ക്കെതിരെ ആത്മഹത്യാ പ്രേരണയ്ക്ക് കേസെടുത്തു. ഇതില് ഒരാളെ പൊലീസ് ചോദ്യം ചെയ്യാനായി കസ്റ്റഡിയിലെടുത്തിട്ടുണ്ട്.
തിരുവനന്തപുരം സ്വദേശി സി.പി. വിഷ്ണുവിനെ (36) യാണ് യെലേനഹള്ളിയിലെ ഫ്ളാറ്റിലെ കുളിമുറിയില് തൂങ്ങി മരിച്ച നിലയില് കണ്ടെത്തിയത്. ആത്മഹത്യാക്കുറിപ്പ് കണ്ടെത്തിയിട്ടില്ലെന്ന് പൊലീസ് പറഞ്ഞു. ഒരു ഹെല്ത്ത് കെയര് കമ്പനിയില് ജോലി ചെയ്തിരുന്ന വിഷ്ണു സ്വകാര്യ സ്ഥാപനങ്ങളില് ജോലി ചെയ്യുന്ന സൂര്യകുമാരി, ജ്യോതി എന്നീ യുവതികള്ക്കൊപ്പം ഫ്ളാറ്റ് പങ്കിട്ടാണ് താമസിച്ചിരുന്നത്. ഇരുവരുമായി അടുത്തിടെയായി അഭിപ്രായഭിന്നത ഉണ്ടായിരുന്നതായും പറയുന്നു. ഇതില് ഒരു ജ്യോതി അടുത്തിടെ ഡെറാഡൂണിലേക്ക് ജോലി കിട്ടിപ്പോയിരുന്നു. എന്നാല് നിലവില് ഒപ്പം താമസിക്കുന്ന സൂര്യകുമാരിയുമായി സംഭവദിവസം തര്ക്കമുണ്ടായതായും ഇക്കാര്യം ജ്യോതിയെ ഫോണില് വിളിച്ചറിയിച്ചതായും പറയുന്നു. ഉടന് വന്നില്ലെങ്കില് താന് ജീവനൊടുക്കുമെന്ന് ജ്യോതിയോട് പറഞ്ഞപ്പോള് എങ്കില് അങ്ങിനെ ചെയ്യൂ എന്ന് അവര് പറഞ്ഞുവെന്നാണ് വിവരം. ഇതോടെ വിഷ്ണു കുളിമുറിയില് കയറി ജീവനൊടുക്കിയെന്നാണ് സൂര്യകുമാരിയുടെ മൊഴി. സൂര്യകുമാരി വിവാഹ മോചിതയും ജ്യോതി അവിവാഹിതയുമാണെന്ന് പൊലീസ് പറഞ്ഞു.
തിരുവനന്തപുരം സ്വദേശി ബംഗളൂരുവില് ജീവനൊടുക്കിയ സംഭവത്തില് പെണ്സുഹൃത്തുക്കള്ക്കെതിരെ കേസ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.