ട്വന്‍റി ഫോര്‍ ചാനല്‍ ഹരിയാനയില്‍ പോയി, രാഹുല്‍ ഗാന്ധി പറഞ്ഞത് കള്ളമാണെന്ന് കണ്ടെത്തി

ന്യൂദല്‍ഹി: ഹരിയാനയില്‍ 2024ല്‍ നടന്ന നിയമസഭാ തെരഞ്ഞടുപ്പില്‍ തെരഞ്ഞെടുപ്പ് കമ്മീഷനും ബിജെപിയും ചേര്‍ന്ന് തിരിമറി നടത്തി വോട്ടുകള്‍ കവര്‍ന്നെടുത്തു എന്ന രാഹുല്‍ ഗാന്ധിയുടെ ആരോപണത്തിന്റെ സത്യാവസ്ഥ തേടി ഹരിയാനയില്‍ പോയ ട്വന്‍റി ഫോര്‍ ചാനല്‍ സംഘം കണ്ടെത്തിയത് രാഹുല്‍ ഗാന്ധി പറഞ്ഞത് കള്ളമാണെന്നാണ്. ഹരിയാനയിലെ വോട്ടര്‍ ലിസ്റ്റില്‍ 22 തവണ ഒരു ബ്രസീലിലെ മോഡലായ യുവതിയുടെ ചിത്രം ചേര്‍ത്തിരുന്നു. 22 വ്യത്യസ്ത മേല്‍വിലാസങ്ങളിലുള്ള യുവതികളുടെ ചിത്രം എന്ന നിലയ്‌ക്ക് തെരഞ്ഞെടുപ്പ് കമ്മീഷന്‍ നല്‍കിയത് ഈ മോഡലിന്റെ ചിത്രമായിരുന്നു. രാഹുല്‍ ഗാന്ധി പറഞ്ഞത് ഈ 22 യുവതികളുടെ വോട്ടുകളും തെരഞ്ഞെടുപ്പ് കമ്മീഷനും ബിജെപിയും ചേര്‍ന്ന് രഹസ്യധാരണയുടെ അടിസ്ഥാനത്തില്‍ ബിജെപിക്ക് നല്‍കി എന്നാണ്. ഈ 22 വോട്ടര്‍മാര്‍ ജീവിച്ചിരിക്കുന്നവരാണോ അതോ തെരഞ്ഞെടുപ്പ് കമ്മീഷന്‍ വോട്ട് മോഷ്ടിക്കാന്‍ വേണ്ടി കൃത്രിമമായി ഉണ്ടാക്കിയതാണോ എന്നറിയാനാണ് ട്വന്‍റിഫോര്‍ ചാനല്‍ സംഘം പോയത്.

രാഹുല്‍ ഗാന്ധിയുടെ ഈ ആരോപണത്തിന്റെ സത്യാവസ്ഥ അറിയാനാണ് ട്വന്‍റി ഫോര്‍ ചാനല്‍ സംഘം ഹരിയാനയിലേക്ക് പോയത്. ബ്രസീലിയന്‍ മോഡലിന്റെ ചിത്രമുള്ള 22 വോട്ടര്‍മാരില്‍ മൂന്ന് പേരെ കണ്ടെത്തി സത്യമറിയാന്‍ ശ്രമിച്ച ട്വന്‍റി ഫോര്‍ ചാനല്‍ കണ്ടെത്തിയത് രാഹുല്‍ ഗാന്ധി പറഞ്ഞത് പച്ചക്കള്ളമാണ് എന്നാണ്.

ട്വന്‍റിഫോര്‍ ചാനലിന്റെ റിപ്പോര്‍ട്ടര്‍ ആദ്യം പോയത് ഹരിയാനയിലെ സോണിപത് ജില്ലയിലെ റായ് മണ്ഡലത്തില്‍ ആണ്. ഇവിടെ എത്തി ട്വന്‍റി ഫോര്‍ ചാനല്‍ റിപ്പോര്‍ട്ടര്‍ ആദ്യം പോയത് അക്ബര്‍പൂര്‍ ബറോട്ട എന്ന ഗ്രാമത്തിലെ പൂനത്തിന്റെ വീട്ടിലാണ്. ഭര്‍ത്താവിന്റെ വീട്ടുകാരുമായുള്ള വഴക്ക് കാരണം സ്വന്തം വീട്ടിലേക്ക് മടങ്ങിയതാണ് പൂനം. ഭര്‍ത്താവ് സൂനവും മക്കളില്‍ ഒരാളും വീട്ടില്‍ തന്നെ ഉണ്ടായിരുന്നു. ഫോണില്‍ വിളിച്ചപ്പോള്‍ താന്‍ വര്‍ഷങ്ങളായി റായി മണ്ഡലത്തിലെ വോട്ടറാണെന്നും കഴിഞ്ഞ വര്‍ഷം വോട്ട് ചെയ്തില്ലെന്നും പൂനം പറഞ്ഞു.

വോട്ടര്‍പട്ടികയിലെ മറ്റ് രണ്ട് പേരെക്കൂടി ട്വന്‍റി ഫോര്‍ ചാനല്‍ നേരിട്ട് പോയി കണ്ടു. ഇവര്‍ രണ്ടു പേരും വോട്ട് ചെയ്തതായി കണ്ടെത്തി.

22 വിവിധ വോട്ടര്‍മാരുടെ മേല്‍വിലാസത്തിനൊപ്പം തെരഞ്ഞെടുപ്പ് കമ്മീഷന്‍ ചേര്‍ത്തത് ബ്രസീലിലെ മോഡലിന്റെ ഫോട്ടോ ആയിരുന്നു. രാഹുല്‍ ഗാന്ധി പറഞ്ഞത് ഈ 22 വോട്ടുകളും ബിജെപി തെരഞ്ഞെടുപ്പ് കമ്മീഷനുമായി കൈകോര്‍ത്ത് തട്ടിയെടുത്തു എന്നാണ്. പക്ഷെ ഈ 22 മേല്‍വിലാസത്തിലുള്ളവരും വോട്ടുകള്‍ ചെയ്തിട്ടുണ്ടെന്നതാണ് വാസ്തവം.

വിദേശശക്തികളുമായി ചേര്‍ന്ന് ഇന്ത്യയിലെ ജനാധിപത്യപ്രക്രിയയെ അട്ടിമറിക്കാനാണ് രാഹുല്‍ ഗാന്ധി ശ്രമിക്കുന്നത്. വോട്ടെടുപ്പിലൂടെ അധികാരത്തില്‍ വരാന്‍ കഴിയില്ലെന്ന് തിരിച്ചറിഞ്ഞ രാഹുല്‍ ഗാന്ധി നേപ്പാള്‍ മോഡലിലൂടെ ജെന്‍ സീ തലമുറയെക്കൊണ്ട് കലാപം നടത്തി അട്ടിമറിയിലൂടെ അധികാരത്തില്‍ എത്താനാണ് ശ്രമിക്കുന്നത്. ഇക്കാര്യത്തില്‍ അമേരിക്കയിലെ ഡീപ് സ്റ്റേറ്റ് എന്ന പേരിലറിയപ്പെടുന്ന സമാന്തര അധികാരശൃംഖല രാഹുല്‍ ഗാന്ധിയ്‌ക്ക് ഒപ്പമുണ്ട്.

വോട്ടേഴ്സ് ലിസ്റ്റ് തയ്യാറാക്കാന്‍ ആദ്യഘട്ടത്തില്‍ ബിഎല്‍ഒ വീട്ടിലേക്ക് പോയപ്പോള്‍ ഇവരുടെ ഫോട്ടോ കിട്ടാത്തതിനാല്‍ ഇന്‍റര്‍നെറ്റില്‍ നിന്നും എടുത്ത ഒരു ഫോട്ടോ ഉപയോഗിക്കുകയായിരുന്നു എന്നതുമാണ് വാസ്തവം. ബ്രസീലിലെ മോഡല്‍ അവരുടെ ഫോട്ടോ സൗജന്യമായി ഉപയോഗിക്കാവുന്ന ഫോട്ടോകള്‍ നല്‍കുന്ന സൈറ്റുകളില്‍ നല്‍കിയിരുന്നു. തല്‍ക്കാലത്തേക്കാണ് തെരഞ്ഞെടുപ്പ് കമ്മീഷന്‍ ഈ ഫോട്ടോകള്‍ ഉപയോഗിച്ചത്.