മലപ്പുറം: തീവ്ര വോട്ടര് പട്ടിക പരിഷ്കരണം (എസ്ഐആര്) അനുവദിക്കില്ലെന്ന് എസ്ഡിപിഐ സംസ്ഥാന പ്രസിഡന്റ് സിപിഎ ലത്തീഫ് പറഞ്ഞു.
‘എസ്ഐആര്: പൗരത്വ നിഷേധം അനുവദിക്കില്ല’ എന്ന പ്രമേയത്തില് ജാഗ്രതാ കാംപയിന് സംഘടിപ്പിക്കുമെന്നും അദ്ദേഹം പറഞ്ഞു. വോട്ടര് പട്ടിക പരിഷ്കരണത്തിലൂടെ സംസ്ഥാനത്ത് അനധികൃതമായി താമസിക്കുന്ന 50 ലക്ഷത്തോളം പേര് പുറത്താകുമെന്നാണ് പ്രചരിക്കുന്നത്. ഇത് ആശങ്കാജനകമാണ്. അത്തരത്തിലുള്ള സാമൂഹിക സാഹചര്യം സൃഷ്ടിക്കപ്പെട്ടാല് അതിനെ നിയമപരമായും രാഷ്ട്രീയമായും ജനാധിപത്യപരമായും പ്രതിരോധിക്കുമെന്നും സിപിഎ ലത്തീഫ് പറഞ്ഞു.
ഇനി തങ്ങള് വോട്ടവകാശമുള്ള പൗരന്മാരാണ് എന്നു തെളിയിക്കേണ്ട ബാധ്യത തങ്ങള്ക്ക് വന്നിരിക്കുന്നു. ഒരു കുടുംബത്തിലുള്ളവര് തന്നെ വിവിധ ദേശങ്ങളിലേക്ക് കുടിയേറി. കുടുംബനാഥന്മാരുള്പ്പെടെ പലരും മരണപ്പെട്ടു. ഉപജീവനമാര്ഗം തേടി പ്രവാസ ജീവിതം നയിച്ച പലര്ക്കും 2002 ല് വോട്ടര് പട്ടികയില് ഇടം നേടാനായിട്ടില്ല. ഇവരെല്ലാം വോട്ടവകാശത്തിനായി രേഖകള് ഉണ്ടാക്കണമെന്നത് മനുഷ്യത്വ വിരുദ്ധമാണെന്ന് ലത്തീഫ് പറയുന്നു.
അനധികൃത താമസക്കാരെ പുറത്താക്കുമെന്നത് ആശങ്കാജനകം, എസ്ഐആര് അനുവദിക്കില്ലെന്നും എസ്ഡിപിഐ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.