പുഷ്കർ മേള എന്നും ആകർഷകമാണ് . ഇന്ത്യയിൽ പൊന്നും വിലയുള്ള കന്നുകാലികളെ കാണാനാണ് പലരും പുഷ്കർ മേളയ്‌ക്ക് എത്തുന്നത്. ഇത്തവണയും പുഷ്കർ മേളയിൽ ലക്ഷങ്ങളാണ് കാണികളായി എത്തിയത്. ഇക്കുറി കാണികളുടെ മനസിളക്കിയ കൂട്ടത്തിൽ ഒരു രണ്ടരവയസുകാരനും ഉണ്ടായിരുന്നു. രണ്ടരവയസുള്ള ഒരു കുതിരയുമുണ്ട്. വിലയോ 15 കോടി.
ചണ്ഡീഗഡിൽ നിന്നുള്ള ഗാരി ഗില്ലിന്റെ ഉടമസ്ഥതയിലുള്ള കുതിരയാണ് ഷഹബാസ് . രണ്ടര വയസ്സുള്ള കുതിരയായ ഷഹബാസ് ഒന്നിലധികം ഷോകളിൽ വിജയിച്ചിട്ടുണ്ട്. 9 കോടി രൂപ വരെ ഓഫറുകൾ ലഭിച്ചതായി ഗാരി ഗിൽ പറയുന്നു. കുതിരയുടെ പ്രജനനച്ചെലവ് മാത്രം രണ്ട് ലക്ഷം രൂപയാണ്, വിലയേറിയ മാർവാരി ഇനത്തെ കാണാൻ സന്ദർശകർ ക്യൂവിലാണ്.
23 കോടി രൂപ വിലവരുന്ന അൻമോൾ എന്ന പോത്തും മേളയിലെ താരമാണ് . രാജസ്ഥാനിൽ നിന്നുള്ള അൻമോൾക്ക് പാൽ, നെയ്യ്, ഉണക്കിയ പഴങ്ങൾ എന്നിവയാണ് പ്രധാന ഭക്ഷണം.25 ലക്ഷം രൂപ വിലവരുന്ന ഉജ്ജൈനിൽ നിന്നുള്ള റാണ എന്ന എരുമ പുഷ്കർ മേളയിലെ ഒരു പുതിയ ആകർഷണമായി മാറിയിരിക്കുന്നു. ഏകദേശം 600 കിലോഗ്രാം ഭാരവും 8 അടി നീളവും 5.5 അടി ഉയരവുമുണ്ട് റാണയ്‌ക്ക് . “മൂന്നര വർഷം പ്രായമുള്ള ഈ എരുമയ്‌ക്ക് പ്രതിദിനം 1,500 രൂപ വരെ വിലവരുന്ന ഭക്ഷണം ആവശ്യമാണ്. ഭക്ഷണത്തിൽ പയർ മാവ്, മുട്ട, എണ്ണ, പാൽ, നെയ്യ്, കരൾ ടോണിക്ക് എന്നിവ ഉൾപ്പെടുന്നു”. ഒക്ടോബർ 23 ന് ആരംഭിച്ച മേള നവംബർ 7 നാണ് അവസാനിക്കുന്നത്.
