തിരുവനന്തപുരം:പി എം ശ്രീ പദ്ധതിയില് സംസ്ഥാന സര്ക്കാര് ഒപ്പുവച്ചതിനെ സി പി ഐ എതിര്ക്കുന്ന പശ്ചാത്തലത്തില് നിലപാടില് മലക്കം മറിഞ്ഞ് പൊതുവിദ്യാഭ്യാസ മന്ത്രി വി ശിവന്കുട്ടി.
ഹെഡ്ഗേവാറിനെക്കുറിച്ചും സവര്ക്കറെക്കുറിച്ചും ദീന് ദയാല് ഉപാധ്യായയെക്കുറിച്ചും കേരളത്തിലെ സ്കൂളുകളില് പഠിപ്പിക്കില്ലെന്ന് മന്ത്രി പറഞ്ഞു.ഇവരെ കുറിച്ചൊക്കെ പഠിപ്പിക്കുമെന്ന ബിജെപി മുന് സംസ്ഥാന അധ്യക്ഷന് കെ.സുരേന്ദ്രന്റെ പ്രസ്താവന രാഷ്ട്രീയലക്ഷ്യം വെച്ചുള്ള വ്യാജപ്രചാരണമെന്നാണ് മന്ത്രി ഇപ്പോള് പറയുന്നത്.
പിഎം ശ്രീ പദ്ധതിയില് കേരളം ഒപ്പുവെച്ചത് സംസ്ഥാനത്തെ സ്കൂളുകളുടെ ഭൗതിക സാഹചര്യങ്ങള് മെച്ചപ്പെടുത്തുന്നതിനും അക്കാദമിക് നിലവാരം ഉയര്ത്തുന്നതിനുമുള്ള ഫണ്ട് വിനിയോഗിക്കാനും വേണ്ടിയാണ്.അല്ലാതെ കേരളത്തിലെ സിലബസ് കേന്ദ്ര സര്ക്കാരിന് അടിയറ വയ്ക്കാനല്ല.
പിഎം ശ്രീ ധാരണാപത്രത്തില് ഒപ്പിട്ടതിനാല് കേന്ദ്ര സിലബസ് കേരളത്തില് പഠിപ്പിക്കുമെന്ന് കരുതേണ്ട. കേരളത്തിന് സ്വന്തവും ശക്തവുമായ പാഠ്യപദ്ധതിയും വിദ്യാഭ്യാസ കാഴ്ചപ്പാടുമുണ്ടെന്നും ശിവന്കുട്ടി പറഞ്ഞു.
