കോഴിക്കോട്: മഹാകവി അക്കിത്തത്തിന്റെ ജന്മശതാബ്ദി വേളയില്‍ യുവതലമുറ കവിയുടെ തിരഞ്ഞെടുത്ത കവിതകളെ വിലയിരുത്തുന്ന പരിപാടി സംഘടിപ്പിച്ചു. ഭാഷാസമന്വയവേദിയും സാമൂതിരി ഗുരുവായൂരപ്പന്‍ കോളേജ് മലയാളം വകുപ്പും സംയുക്തമായി നടത്തിയ പരിപാടിയില്‍ കോളേജിലെ 10 വിദ്യാര്‍ഥികള്‍ അക്കിത്തം കവിതകളെ വിശകലനം ചെയ്തു.
പുതിയ കാലത്തും ഉന്മേഷം നല്‍കുന്നവയാണ് അക്കിത്തം കവിതകളെന്ന് വിദ്യാര്‍ഥികള്‍ വിലയിരുത്തി. പരിപാടി പ്രിന്‍സിപ്പാള്‍ ഡോ.ബി. രജനി ഉദ്ഘാടനം ചെയ്തു.മലയാളം ഗവേഷണവിഭാഗം മേധാവി പ്രൊഫ (ഡോ.)ശ്രീശൈലം ഉണ്ണിക്കൃഷ്ണന്‍ അധ്യക്ഷത വഹിച്ചു.ഡോ.ആര്‍സു ആമുഖപ്രസംഗം നടത്തി. പ്രൊഫ.കെ.പി.ശശിധരന്‍ അക്കിത്തത്തെ അനുസ്മരിച്ചു സംസാരിച്ചു.
പ്രശസ്ത ഹിന്ദി കവി അരുണ്‍ കമലും അലിഗഢ് മുസ്‌ളീം സര്‍വകലാശാല ഡീന്‍ പ്രൊഫ ടി എന്‍ സതീശനും നല്‍കിയ സന്ദേശങ്ങള്‍ കേള്‍പ്പിച്ചു. കോളേജ് ഗവേണിംഗ് ബോര്‍ഡ് അംഗം ഡോ.കെ.സുധീര്‍, സര്‍വകലാശാല സെനറ്റ് മെമ്പര്‍ ഡോ.ആര്‍.ജയകമാര്‍, എന്‍.രാഖി, ഡോ. പി.ഐ.മീര, ഡോ.കെ.ശ്രീലത, ഡോ. താര ആന്‍സി വിന്‍സന്റ്, ഡോ.ഒ. വാസവന്‍ എന്നിവര്‍ പ്രസംഗിച്ചു. പി.ആര്യ, സാനിയ സന്തോഷ്, ബീവി ഷിഫാന, എം.പി.നേഘ, പാര്‍വ്വതി ശ്രീരാജ്, പി.എം. ദേവി പ്രിയ, എം.പാര്‍വതി, അയിഷ ഫെറിന്‍ ബീഗം, എ.കെ.ഫെമീറ, പി.കെ.അഭിനയ എന്നീ വിദ്യാര്‍ഥികള്‍ പങ്കെടുത്തു. വിദ്യാര്‍ഥികള്‍ക്ക് സര്‍ട്ടിഫിക്കറ്റും അക്കിത്തം പഠന ഗ്രന്ഥവും നല്‍കി. ഡോ. ആര്‍സുവിന്റെ ജ്ഞാനപീം സംഭാഷണങ്ങള്‍, ഡോ.ഒ. വാസവന്റെ വൈജ്ഞാനിക സാഹിത്യം ഭാഷയും പരിഭാഷയും സഫിയ നരിമുക്കിലിന്റെ കഥാദളങ്ങള്‍ എന്നീ പുസ്തകങ്ങള്‍ കോളേജ് ലൈബ്രറിയ്‌ക്ക് കൈമാറി. ഗോപി കൂടല്ലൂര്‍ അക്കിത്തം കവിത ആലപിച്ചു. പുസ്തക പ്രദര്‍ശനവും ഡോക്യുമെന്ററി പ്രദര്‍ശനവും നടന്നു.
