പാറ്റ്‌ന: ബീഹാർ, ഛത്തീസ്ഗഢ്, ഉത്തർ പ്രദേശ് നിവാസികളുടെ സുപ്രധാന ഉത്സവമായ ഛഠ് പൂജയ്‌ക്ക ഗംഭീര തുടക്കംനാളെ. ഒരുക്കങ്ങൾ ഗ്രാമങ്ങളിലുൾപ്പെടെ അന്തിമഘട്ടത്തിലേക്ക. ബീഹാറിൽ തെരഞ്ഞെടുപ്പിന്റെ ആദ്യഘട്ട വോട്ടെടുപ്പ് നവംബർ ആറിനാണ്. അതിനുമുമ്പ് ഗ്രാമങ്ങൾ വരെ ഉത്സവ ലഹരിയിലാണ്. ആഘോഷങ്ങൾ കഴിഞ്ഞാൽ കഷ്ടിച്ച് ഒരാഴ്ചയേ ഉള്ളു തെരഞ്ഞെടുപ്പ് പ്രചാരണത്തിന്.
വേദ ആചാരങ്ങളിലൂടെ സൂര്യദേവനെയും ഛഠി മയിയെയും പൂജിക്കുന്നതിനായി സമർപ്പിച്ചിരിക്കുന്നതാണ് നാല് ദിവസത്തെ ഉത്സവം. ഛാഠ് പൂജ ശനിയാഴ്ച ആരംഭിക്കും. ബീഹാർ, ഝാർഖണ്ഡ്, ഉത്തർപ്രദേശ്, നേപ്പാളിന്റെ ചില ഭാഗങ്ങൾ എന്നിവിടങ്ങളിൽ ഒരുക്കങ്ങൾ അന്തിമ ഘട്ടത്തിലാണ്. ഈ ദേശക്കാർ എവിടൊക്കെയുണ്ടോ അവിടങ്ങളിലെല്ലാം ആഘോഷം പൊടിപൊടിക്കും. ഇത്തവണ ദൽഹിയിലും ആഘോഷം ഗംഭീരമാണ്. യമുനാ ഘാട്ടുകളിൽ മുൻ സർക്കാരുകൾ ഛാഠ്പൂജയ്‌ക്ക് ഏർപ്പെടുത്തിയിരുന്‌ന വിലക്ക് ബിജെപി സർക്കാർ നീക്കി. ഛഠ് പൂജയിൽ ഛഠ് ഗീതങ്ങൾ പാടി സ്ത്രീകളാണ് മുഖ്യമായും ആഘോഷിക്കുന്നത്. പ്രധാനമന്ത്രി നരേന്ദ്ര മോദി, ഛഠ് ഗാന ആഘോഷങ്ങളുടെ വീഡിയോകൾ സോഷ്യൽ മീഡിയയിൽ പങ്കിടാൻ പ്രോത്സാഹിപ്പിച്ചു. ഒരു പരമ്പരാഗത ഗാനത്തിൽ പ്രധാനമന്ത്രി മോദിയുടെ പേര് ഉൾപ്പെടുത്തുന്ന ഒരു സ്ത്രീ ഓൺലൈനിൽ ശ്രദ്ധ നേടുന്ന ഒരു വീഡിയോയുണ്ട്. ‘ഛഠ് ഗീത്’ എന്നറിയപ്പെടുന്ന അതുല്യമായ നാടോടി ഗാനങ്ങളാണ് ഉത്സവത്തിന്റെ കേന്ദ്രബിന്ദു. കുടുംബാംഗങ്ങൾക്കും പ്രിയപ്പെട്ടവർക്കും വേണ്ടിയുള്ള അനുഗ്രഹങ്ങൾ ഈ ഗാനങ്ങളിൽ പലപ്പോഴും ഉൾപ്പെടുന്നു. ശാരദ സിൻഹയെപ്പോലുള്ള പ്രശസ്ത കലാകാരന്മാർ എല്ലാ വർഷവും കാലാതീതമായ ക്ലാസിക്ക് ഗാനങ്ങൾ ആലപിക്കാറുണ്ട്. ബീഹാറിൽ നിന്നുള്ള ഒരു സ്ത്രീ ‘മോദി ഭയ്യ’യ്‌ക്ക് അനുഗ്രഹം തേടി ഒരു നാടോടി ഗാനം ആലപിച്ചത് സാമൂഹ്യ മാധ്യമങ്ങളിൽ വലിയ പ്രചാരത്തിലാണ്.
ഉത്സവത്തിന് മുന്നോടിയായി, ഛഠി മയിയെ പ്രകീർത്തിക്കുന്ന ഈണങ്ങൾ ഉത്സവത്തിന്റെ മഹത്വവും ദിവ്യത്വവും വർദ്ധിപ്പിക്കുന്നുവെന്ന് പറഞ്ഞുകൊണ്ട് പ്രധാനമന്ത്രി മോദി എക്‌സിലേക്ക് ഛഠ്് ഗാനങ്ങൾ പങ്കിടാൻ പൗരന്മാരെ ക്ഷണിച്ചു. വരും ദിവസങ്ങളിൽ ഈ ഗാനങ്ങളിൽ ചിലത് പങ്കിടുമെന്നും അദ്ദേഹം വാഗ്ദാനം ചെയ്തു. ‘പ്രകൃതിക്കും സംസ്‌കാരത്തിനും വേണ്ടി സമർപ്പിച്ചിരിക്കുന്ന ഛഠ് എന്ന മഹത്തായ ഉത്സവം അടുത്തുവരികയാണ്. ബീഹാറിലും രാജ്യമെമ്പാടുമുള്ള ഭക്തർ പൂർണ്ണ ഭക്തിയോടെ ഒരുക്കങ്ങളിൽ മുഴുകിയിരിക്കുന്നു. ഛഠ് മയ്യാ ഗാനങ്ങൾ ഈ പുണ്യവേളയുടെ മഹത്വവും ദിവ്യത്വവും വർദ്ധിപ്പിക്കുന്നു. ഛഠ് പൂജ ഗാനങ്ങൾ എന്നോടൊപ്പം പങ്കിടാൻ ഞാൻ നിങ്ങളോട് അഭ്യർത്ഥിക്കുന്നു. അടുത്ത കുറച്ച് ദിവസങ്ങളിൽ ഞാൻ അവ എല്ലാ നാട്ടുകാരുമായും പങ്കിടും,’ പ്രധാനമന്ത്രി എക്‌സിലെ ഒരു പോസ്റ്റിൽ പറഞ്ഞു.
പ്രധാനമന്ത്രി ബെഗുസാരായി പ്രസംഗത്തിൽ ഇതിഹാസ നാടോടി ഗായിക ശാരദ സിൻഹയുടെ ഛഠ്ഗാനങ്ങളെക്കുറിച്ച് പരാമർശിച്ചു.
