ലക്നൗ : അലിഗഡ് മുസ്ലിം യൂണിവേഴ്സിറ്റി കാമ്പസിൽ ഹിന്ദു വിദ്യാർത്ഥികൾക്ക് ദീപാവലി ആഘോഷിക്കാൻ അനുമതി നൽകി. ചരിത്രത്തിലാദ്യമാണിത് . ഹിന്ദു വിദ്യാർത്ഥികൾക്കുള്ള വലിയ വിജയമാണിത് . ഇന്ന് AMU യുടെ NRSC ക്ലബ്ബിൽ ഹിന്ദു വിദ്യാർത്ഥികൾ ഒരുമിച്ച് ദീപോത്സവം ആഘോഷിക്കും. യോഗി സർക്കാരിന്റെ ഭരണത്തിൻ കീഴിൽ മാത്രമേ ഇത് സാധ്യമായിട്ടുള്ളൂവെന്ന് വിദ്യാർത്ഥികൾ പറഞ്ഞു.
മറ്റ് മതങ്ങളുടെ ഉത്സവങ്ങൾ ആഘോഷിക്കുന്നതുപോലെ ഹിന്ദു വിദ്യാർത്ഥികളെയും അവരുടെ ഉത്സവങ്ങൾ ആഘോഷിക്കാൻ അനുവദിക്കണമെന്ന് പ്രസ്താവിച്ച് ഹിന്ദു വിദ്യാർത്ഥി നേതാവ് അഖിൽ കൗശൽ വൈസ് ചാൻസലർക്ക് കത്ത് എഴുതിയിരുന്നു . സ്വാതന്ത്ര്യാനന്തരം ഇതാദ്യമായാണ് എഎംയുവിൽ ദീപാവലി ആഘോഷിക്കുന്നതെന്ന് അഖിൽ കൗശൽ പറഞ്ഞു. മുമ്പ്, ഹോളി ആഘോഷിക്കാൻ അനുമതി ലഭിക്കാൻ വിദ്യാർത്ഥികൾക്ക് നീണ്ട പോരാട്ടം നടത്തേണ്ടിവന്നു.
വിദ്യാർത്ഥികൾക്ക് അവരുടെ സൗകര്യാർത്ഥം ദീപാവലി ആഘോഷിക്കാമെന്ന് അദ്ദേഹം പ്രസ്താവിച്ചു. സർവകലാശാലയിൽ നിന്ന് ഒരു നിയന്ത്രണവുമില്ലെന്ന് എഎംയു പ്രോക്ടർ പ്രൊഫസർ മുഹമ്മദ് വസീം അലി പറഞ്ഞു.
