മുംബൈ: ഗൂഗിളിന്റെ 1,26000 കോടി രൂപയുടെ നിക്ഷേപം ആന്ധ്രയിലെ വിശാഖപട്ടണത്തില് എത്തുന്നത് യുഎസ് പ്രസിഡന്റ് ട്രംപിനേറ്റ് വന്തിരിച്ചടിയായി വിലയിരുത്തപ്പെടുന്നു. അമേരിക്കയിലെ ടെക് കമ്പനികളോട് യുഎസില് നിക്ഷേപമിറക്കാനും ഇന്ത്യ പോലുള്ള രാജ്യങ്ങളില് നിന്നും നിക്ഷേപം പിന്വലിക്കാന് ട്രംപ് സമ്മര്ദ്ദം ചെലുത്തിവരുന്നതിനിടയിലാണ് 1,26000 കോടി രൂപ മുതല് മുടക്കില് വിശാഖപട്ടണത്ത് എഐ കേന്ദ്രം തുറക്കാന് പോകുന്നത്.
12 രാജ്യങ്ങളിലായി കിടക്കുന്ന ഗൂഗിളിന്റെ എഐ കമ്പനികളുടെ ശൃംഖലയില് ഒരു കണ്ണിയാണ് വിശാഖപട്ടണത്ത് തുറക്കുന്നത്. അമേരിക്കയ്ക്ക് പുറത്ത് ഒരു എഐ സെന്ററിന് ഗൂഗിള് ഏറ്റവുമധികം നിക്ഷേപമിറക്കുന്നത് ഇന്ത്യയിലാണ്.
പ്രധാനമന്ത്രി മോദിയോട് വിശാഖപട്ടണത്ത് തുറക്കാന് പോകുന്നഎഐ കേന്ദ്രത്തിന്റെ പ്രവര്ത്തനത്തെക്കുറിച്ച് വിശദീകരിച്ചതായി സുന്ദര് പിച്ചൈ പറഞ്ഞു. ജിഗാവാട്ട് സ്കെയിലില് കംപ്യൂട്ടിംഗ് സാധ്യമാക്കുന്നതാണ് പുതിയ സംവിധാനം. കടലിനടിയിലൂടെ ഒരു അന്താരാഷ്ട്ര ഗേറ്റ് വേയും തുറക്കുകയാണ്. ഗൂഗിളിന്റെ എഐ ഇന്നൊവേഷന് ഉദാഹരണമായിരിക്കും ഈ കേന്ദ്രമെന്നും സുന്ദര്പിച്ചൈ പറഞ്ഞു.
12 രാജ്യങ്ങളിലായി കിടക്കുന്ന ഗൂഗിളിന്റെ എഐ കമ്പനികളുടെ ശൃംഖലയില് ഒരു കണ്ണിയാണ് വിശാഖപട്ടണത്ത് തുറക്കുന്നത്. അമേരിക്കയ്ക്ക് പുറത്ത് ഒരു എഐ സെന്ററിന് ഗൂഗിള് ഏറ്റവുമധികം നിക്ഷേപമിറക്കുന്നത് ഇന്ത്യയിലാണ്.
ഇന്ത്യയ്ക്കെതിരെ സാമ്പത്തിക യുദ്ധവും വ്യാപാരയുദ്ധവും കടുപ്പിക്കുന്നതിനിടയിലാണ് അമേരിക്കയിലെ ഭീമന് ടെക് കമ്പനിയായ ഗൂഗിള് എഐ കേന്ദ്രവുമായി ഇന്ത്യയില് എത്തിയത്.
ഏഷ്യന് രാജ്യങ്ങളായ ഇന്ത്യയിലും ചൈനയിലും നിക്ഷേപിക്കരുതെന്ന ട്രംപിന്റെ ശാസന മറികടന്ന് കൂടുതല് നിക്ഷേപം ഇന്ത്യയില് ഇറക്കാന് ആലോചിക്കുകയാണ് അമേരിക്കന് കമ്പനിയായ ആപ്പിള്. അമേരിക്കയില് അമേരിക്കക്കാരെ ജോലിക്കെടുത്ത് മത്സരക്ഷമമായ ഈ ലോകത്ത് പിടിച്ചുനില്ക്കാന് സാധിക്കില്ലെന്ന് ഈ അമേരിക്കന് ടെക് കമ്പനികള്ക്കറിയാം. അതാണ് അവര് കൂടുതലായി ഇന്ത്യയെയും ചൈനയെയും ആശ്രയിക്കുന്നത്.
