കൊല്ക്കൊത്ത: ദുര്ഗാപൂരില് കൂട്ടബലാത്സംഗത്തിന് ഇരയായ പെണ്കുട്ടിയെ അപമാനിക്കുന്ന രീതിയില് ‘രാത്രിയില് എന്തിന് പുറത്തിറങ്ങി’ എന്ന് ചോദിച്ച മമത ബാനര്ജിയ്ക്കെതിരെ വന് പ്രതിഷേധവുമായി ബിജെപി നേതാവ് സുവേന്ദു അധികാരി. കൂട്ട ബലാത്സംഗത്തിനിരയായ പെണ്കുട്ടിയുടെ പിതാവും പ്രകടനത്തില് ഉണ്ടായിരുന്നു. പ്രകടനത്തിന് ശേഷം നടന്ന പൊതുയോഗത്തില് പെണ്കുട്ടിയുടെ പിതാവ് മമതയ്ക്കെതിരെ ആഞ്ഞടിച്ചു. “എന്റെ മകള് ഒരു പെണ്കുട്ടിയാണ്. എങ്ങിനെയാണ് ഇത്രയ്ക്ക് നിരുത്തവാദപരമായി മമതയ്ക്ക് പറയാന് കഴിയുന്നത്?” അദ്ദേഹം ചോദിച്ചു.
നൂറുകണക്കിന് പേരാണ് ഈ പ്രതിഷേധപ്രകടനത്തില് പങ്കെടുത്തത്. വിലകുറഞ്ഞ പ്രസ്താവനയുടെ പേരില് മമത ബാനര്ജി തലയില് മുണ്ടിട്ടു നടക്കേണ്ട ഗതികേടിലാണ്. സുവേന്ദു അധികാരിയുടെ നേതൃത്വത്തിലുള്ള പ്രകടനം സമൂഹമാധ്യമങ്ങളില് പ്രചരിക്കുന്നുണ്ട്.
പുരോഗമനവാദിയും സ്ത്രീസ്വാതന്ത്ര്യത്തിന്റെ പ്രതീകമെന്നും എന്ജിഒകളും ജിഹാദികളും പ്രചരിപ്പിക്കുന്ന മമത ബാനര്ജി എത്രത്തോളം സ്ത്രീവിരുദ്ധയാണെന്ന് തെളിഞ്ഞിരിക്കുകയാണ്. 23 കാരിയായ പെണ്കുട്ടി എന്തിനാണ് രാത്രി 12.30ന് പുറത്തിറങ്ങിയത് എന്ന ചോദ്യമാണ് മമത ബാനര്ജി ചോദിച്ചത്. മമത ബാനര്ജിയ്ക്കെതിരെ ഈ പ്രകടനത്തില് പെണ്കുട്ടിയുടെ അച്ഛന് ആഞ്ഞടിച്ചിരുന്നു.
