ന്യൂദല്‍ഹി : കച്ചവട സ്ഥാപനങ്ങളുടെ വാഹനങ്ങളില്‍ നിന്ന് ചരക്കിറക്കാന്‍ അവിടത്തെ ജീവനക്കാര്‍ക്ക് തന്നെയാണ് അവകാശമെന്ന ഹൈക്കോടതി ഉത്തരവ് സുപ്രിം കോടതി ശരിവച്ചു. 2017 ലെ ഹൈക്കോടതി വിധിക്കെതിരെ സംസ്ഥാന ചുമട്ടു തൊഴിലാളി ക്ഷേമനിധി ബോര്‍ഡും വിവിധ തൊഴിലാളി യൂണിയനുകളുമാണ് സുപ്രീം കോടതിയെ സമീപിച്ചത്.
കച്ചവട സ്ഥാപനങ്ങളുടെ ചരക്കിറക്ക് അതത് പ്രദേശങ്ങളിലെ ചുമട്ടു തൊഴിലാളികള്‍ക്കാണെന്നായിരുന്നു ചുമട്ടു തൊഴിലാളി ക്ഷേമബോര്‍ഡിന്റെ വാദം. ഇതിനെതിരെ 2016 ല്‍ ഓള്‍ കേരള ഡിസ്ട്രിബ്യൂട്ടേഴ്‌സ് അസോസിയേഷനാണ് ഹൈക്കോടതിയെ സമീപിച്ചത്. അസോസിയേഷന്‌റെ നിലപാട് അംഗീകരിച്ച് ഹൈക്കോടതി ഉത്തരവിറക്കി. ഇതിനെതിരെ നല്‍കിയ അപ്പീലിലാണ് സുപ്രീം കോടതി വിധി.
