പത്തനംതിട്ട: പോക്സോ കേസ് അതിജീവിതയെ ഭീഷണിപ്പെടുത്തിയിട്ടും പ്രതിക്കെതിരാ നടപടിയെടുക്കാതിരുന്ന തിരുവല്ല പോലീസ് ഇന്സ്പെക്ടറായിരുന്ന എസ്.സന്തോഷിനെ പത്തനംതിട്ട എസ്.പി ആര്. ആനന്ദ് നല്കിയ റിപ്പോര്ട്ടിന്റെ അടിസ്ഥാനത്തില് ഐജി സസ്പെഡു ചെയ്തു.
കൊലക്കേസില് അടക്കം പ്രതിയായ കവിയൂര് സ്വദേശി ജാമ്യത്തിലിറങ്ങി അതിജീവിതയെ ഭീഷണിപ്പെടുത്തിയിരുന്നു. ഇതേക്കുറിച്ച് പരാതി നല്കിയിട്ടും കേസ് രജിസ്റ്റര് ചെയ്യാന് വൈകിയെന്നായിരുന്നു പരാതി. ഇത്തരം സന്ദര്ഭങ്ങളില് റൗഡി ഹിസ്റ്ററി ഷീറ്റ് എടുക്കുകയും കാപ്പ ചുമത്താന് നടപടി സ്വീകരിക്കുകയുമാണ് നടപടിക്രമം. ഇന്സ്പെക്ടര് സന്തോഷ് ഇക്കാര്യത്തില് വീഴ്ച വരുത്തിയെന്ന് റിപ്പോര്ട്ടില് ചൂണ്ടിക്കാട്ടുന്നു.
മുന് എസ്.പി വി.ജി. വിനോദ്കുമാറിന്റെ സ്വകാര്യ വാഹനം അപകടത്തില്പ്പെട്ടതുമായി ബന്ധപ്പെട്ട കേസില് ചട്ടവിരുദ്ധമായി പ്രവര്ത്തിച്ചതിന്റെ പേരില് സന്തോഷിനെ അടുത്തിടെ ചിറ്റാറിലേക്ക് സ്ഥലം മാറ്റിയിരുന്നു.
