മുംബൈ: വിദേശത്തേക്ക് യാത്ര ചെയ്യണമെങ്കില് ശില്പഷെട്ടിയും ഭര്ത്താവ് രാജ് കുന്ദ്രയും 60 കോടി രൂപ കെട്ടിവെയ്ക്കണമെന്ന് ബോംബെ ഹൈക്കോടതി. തങ്ങള്ക്കെതിരെ പുറപ്പെടുവിച്ച് ലുക്കൗട്ട് സര്ക്കുലര് റദ്ദാക്കണമെന്ന് ആവശ്യപ്പെട്ട് ശില്പഷെട്ടിയും ഭര്ത്താവും ബോംബെ ഹൈക്കോടതിയെ സമീപിച്ചപ്പോഴാണ് കോടതി ഈ വിധി പുറപ്പെടുവിച്ചത്.
യുഎസിലെ ലോസ് ഏഞ്ചല്സിലേക്കോ മറ്റേത് വിദേശരാജ്യങ്ങളിലേക്കോ പോകണമെങ്കില് ആദ്യം 60 കോടി രൂപ കെട്ടിവെച്ചോളൂ എന്നാണ് കോടതി പറഞ്ഞത്. ലുക്കൗട്ട് സര്ക്കുലര് റദ്ദാക്കാനാകില്ലെന്നും കോടതി പറഞ്ഞു.
ബിറ്റ് കോയിന് തട്ടിപ്പ് ഉള്പ്പെടെ നിരവധി കേസുകള് രാജ് കുന്ദ്രയ്ക്കെതിരെ ചുമത്തിയിരിക്കുകയാണ് ഇഡി.
ക്രിപ്റ്റോ തട്ടിപ്പിന്റെ ആശാനായ അമിത് ഭരദ്വാജില് നിന്നും 150.47 കോടി രൂപ വിലമതിക്കുന്ന 285 ബിറ്റ് കോയിനുകള് രാജ് കുന്ദ്ര നിയമവിരുദ്ധമായി കൈവശം വെച്ചിരുന്നുവെന്ന് ഇഡി കണ്ടെത്തിയിരുന്നു.
