തെന്മല: അച്ചൻകോവിലിൽ മുട്ടതീറ്റിമത്സരത്തിനിടെ മുട്ട തൊണ്ടയിൽ കുരുങ്ങിയ യുവാവിന് രക്ഷയായി സിവിൽ ഡിഫൻസ് അംഗം. പ്രദേശത്തെ ഒരു ക്ലബ്ബിൻെറ നേതൃത്വത്തിൽ വടംവലി ഉൾപ്പെടെയുള്ള മത്സരത്തിനൊപ്പം മുട്ടതീറ്റിമത്സരവും നടന്നിരുന്നു. രാത്രി 11-ന് നടന്ന മത്സരത്തിൽ പങ്കെടുത്ത അനീഷി(42)നാണ് അത്യാഹിതമുണ്ടായത്.
തൊണ്ടയിൽ മുട്ട കുരുങ്ങുകയും ശ്വാസമെടുക്കാൻ പറ്റാത്ത അവസ്ഥയിലാകുകയും ചെയ്തു. ഉടൻതന്നെ കമ്മിറ്റി അംഗങ്ങളായ സന്തോഷ്, സംഗീത് എന്നിവർ കേരള സിവിൽ ഡിഫൻസ് അംഗമായി പരിശീലനം ലഭിച്ചിട്ടുള്ള മണികണ്ഠനെ ബന്ധപ്പെടുകയായിരുന്നു. മണികണ്ഠൻ അടിയന്തര രക്ഷാപ്രവർത്തനം നടത്തി തൊണ്ടയിൽ കുരുങ്ങിയ മുട്ട പുറത്തെത്തിക്കുകയായിരുന്നു.
