തൃശൂര് : അതിരപ്പള്ളിയില് ചികിത്സ നല്കി കാട്ടിലേക്ക് അയച്ച കാട്ടാനയുടെ നില അതീവ ഗുരുതരം. കുളിരാംതോട് ജനവാസ മേഖലയ്ക്ക് സമീപമാണ് നിലവില് ആനയെ കണ്ടെത്തിയിട്ടുള്ളത്. ആനയുടെ ജീവന് രക്ഷിക്കുന്നതിന് വീണ്ടും ചികിത്സ നല്കാനാണ് വനം വകുപ്പിന്റെ തീരുമാനം.
കഴിഞ്ഞ മാസം 19-നാണ് ഏകദേശം 15 വയസ് പ്രായമുള്ള കൊമ്പനാനയെ വനം വകുപ്പ് മയക്കുവെടി വച്ച് പിടികൂടി ചികിത്സ നല്കിയത്.കാലടി പ്ലാന്റേഷനിലെ എ ബ്ലോക്കില് വെച്ചാണ് ആനയുടെ കാലില് വലിയ മുറിവും പഴുപ്പും കണ്ടെത്തിയത്. അന്ന് ചികിത്സ നല്കിയ ശേഷം ആനയെ കാട്ടിലേക്ക് തിരികെ വിടുകയായിരുന്നു.
ഇന്നലെ എറണാകുളത്തു നിന്ന് അസിസ്റ്റന്റ് ഫോറസ്റ്റ് വെറ്ററിനറി ഓഫീസര്മാര് സ്ഥലത്തെത്തി ആനയെ പരിശോധിച്ചന്നു.നിലവില് ആനയ്ക്ക് നടക്കാന് പറ്റാത്ത അവസ്ഥയാണ്. ആഹാരത്തിലൂടെയാണ് വനം വകുപ്പ് ഇപ്പോള് മരുന്ന് നല്കുന്നത്.
ആനയുടെ ചലനങ്ങളും ആരോഗ്യനിലയും നിരീക്ഷിക്കാന് ഒരു സംഘത്തെ വനം വകുപ്പ് ഏര്പ്പെടുത്തിയിട്ടുണ്ട്.
