മുംബൈ ; നൂറാം വാർഷികം ആഘോഷിക്കുന്ന ആർഎസ്എസിനെ പ്രശംസിച്ച് നടൻ സഞ്ജയ് ദത്ത് . സോഷ്യൽ മീഡിയയിൽ പങ്ക് വച്ച വീഡിയോ സന്ദേശത്തിലാണ് സഞ്ജയ് ദത്ത് സംഘത്തിന് ആശംസകൾ അറിയിച്ചിരിക്കുന്നത് .സംഘത്തിന്റെ യാത്രയെയും സംഭാവനകളെയും , ആർഎസ്എസ് പ്രവർത്തകരുടെ നിസ്വാർത്ഥ സേവനത്തെയും രാഷ്ട്രനിർമ്മാണത്തിന് അവർ നൽകിയ സംഭാവനകളെയും പ്രശംസിച്ചുകൊണ്ടാണ് അദ്ദേഹം തന്റെ ഔദ്യോഗിക ഇൻസ്റ്റാഗ്രാം അക്കൗണ്ടിൽ വീഡിയോ പോസ്റ്റ് ചെയ്തിരിക്കുന്നത് .
എല്ലാ വെല്ലുവിളികളിലും തലയുയർത്തി നിന്ന പ്രസ്ഥാനമാണ് ആർഎസ്എസ് എന്നും , ജനങ്ങൾക്കായി നിസ്വാർത്ഥമായി സേവിക്കുകയും നല്ല സാമൂഹിക മാറ്റത്തിനായി അക്ഷീണം പ്രവർത്തിക്കുകയും ചെയ്തവരാണ് ആർ എസ് എസ് പ്രവർത്തകരെയും അദ്ദേഹം പറയുന്നു.
“ഈ വിജയദശമിയിൽ, ഞങ്ങൾ ആർഎസ്എസിന്റെ മഹത്തായ 100 വർഷങ്ങൾ ആഘോഷിക്കുന്നു. എല്ലാ ദുഷ്കരമായ സമയങ്ങളിലും സംഘം രാജ്യത്തിനും സമൂഹത്തിനും വിലമതിക്കാനാവാത്ത സംഭാവനകൾ നൽകിയിട്ടുണ്ട്. പ്രകൃതിദുരന്തമായാലും സാമൂഹിക വെല്ലുവിളിയായാലും, ആർഎസ്എസ് എല്ലായ്പ്പോഴും നിസ്വാർത്ഥമായി സേവനമനുഷ്ഠിച്ചിട്ടുണ്ട്. ഈ സംഘടന പോസിറ്റീവ് മാറ്റത്തിനായി നിരന്തരം പ്രവർത്തിക്കുന്നു. ഈ ചരിത്രപരമായ അവസരത്തിൽ ആർഎസ്എസിനെ ഞാൻ ഹൃദയപൂർവ്വം അഭിനന്ദിക്കുകയും രാഷ്ട്രനിർമ്മാണത്തിന്റെ ഈ ദൗത്യം ശക്തിപ്പെടുത്തുന്നതിന് എല്ലാവരും ഒന്നിച്ചുചേരാൻ അഭ്യർത്ഥിക്കുകയും ചെയ്യുന്നു. ജയ് ഹിന്ദ്, ജയ് ഭാരത്.”
“100 വർഷത്തെ കഠിനാധ്വാനം, അച്ചടക്കം, ദേശസ്നേഹം എന്നിവയാൽ, ആർഎസ്എസ് എല്ലാ വെല്ലുവിളികളെയും നേരിട്ടു. സമൂഹത്തിൽ നല്ല മാറ്റം കൊണ്ടുവരാൻ സംഘം അക്ഷീണം പ്രവർത്തിച്ചിട്ടുണ്ട്” എന്നും പറയുന്നു.
