വളരെ ആരോഗ്യകരമായ ഭക്ഷണമായാണ് കശുവണ്ടിയെ കണക്കാക്കുന്നത്. എന്നാല് ഇത് കഴിക്കേണ്ട അളവിലും രീതിയിലും തന്നെ വേണം കഴിക്കാന്. അല്ലെങ്കില് ഗുണത്തിന് പകരം ദോഷകരമാകാന് സാധ്യതയുണ്ട്.
കശുവണ്ടി ചുമ്മാ കഴിക്കുന്നതിനെക്കാളും, നല്ലത് കുതിര്ത്തുകഴിക്കുന്നതാണെന്ന് ആയുര്വേദം ശുപാര്ശ ചെയ്ത ഒരു കാര്യമാണ്. ഇങ്ങനെ ചെയ്യുമ്പോള് അവ ശരീരത്തിന് പെട്ടെന്ന് ദഹിപ്പിക്കാനും ആഗിരണം ചെയ്യാനും പറ്റും. ഇന്ന് മാർക്കറ്റിൽ കശുവണ്ടി നല്ലതും വ്യാജനും വാങ്ങാൻ കിട്ടും. ഗുണമേന്മയുള്ളതു തന്നെ വാങ്ങണം.
കശുവണ്ടിക്ക് കിലോ ആയിരത്തിനു മുകളിലാണ് വില. എന്നാൽ, വിപണിയിൽ മായം ചേർത്ത കശുവണ്ടികൾ വ്യാപകമാണ്. അവ തിരിച്ചറിയാൻ ചില വഴികളുണ്ട്: യഥാർഥ കശുവണ്ടിക്ക് ഇളം മഞ്ഞയോ വെളുപ്പോ നിറമായിരിക്കും, അതേസമയം മായം ചേർത്തതിന് മഞ്ഞനിറമായിരിക്കും.
ഗുണമേന്മയുള്ള കശുവണ്ടി കൂടുതൽ കാലം കേടുകൂടാതെയിരിക്കും. യഥാർത്ഥ കശുവണ്ടിക്ക് ഏകദേശം ഒരു ഇഞ്ച് നീളവും കട്ടിയുമുണ്ടാകും. യഥാർത്ഥ കശുവണ്ടി പല്ലിൽ ഒട്ടിപ്പിടിക്കാതെ, എളുപ്പത്തിൽ ചവച്ചരയ്ക്കാൻ സാധിക്കുന്നതുമാണ്. ഈ കാര്യങ്ങൾ ശ്രദ്ധിച്ചാൽ വ്യാജ കശുവണ്ടി തിരിച്ചറിയാൻ കഴിയും. എന്നാല് ഫ്ലേവര് ചേര്ത്ത കശുവണ്ടി ആണെങ്കില്, വ്യാജനാണെങ്കില് പോലും തിരിച്ചറിയാന് ബുദ്ധിമുട്ടാണ്.
