തിരുവനന്തപുരം: മുഷ്ടി ചുരുട്ടി ശരണം വിളിച്ചതിന് ക്ഷമ ചോദിച്ച തിരുവിതാംകൂര് ദേവസ്വം പ്രസിഡന്റ് പി.എസ്. പ്രശാന്തിന്റെ നടപടിയില് അയ്യപ്പഭക്തര്ക്ക് ഇനിയും അതൃപ്തി. ‘ഇന്ക്വിലാബ് സിന്ദാബാദ്’ വിളിക്കാന് വേണ്ടി മുഷ്ടി ചുരുട്ടുന്നത് പോലെ അത്രയ്ക്ക് സ്വാഭാവികമായാണ് പ്രശാന്ത് ആഗോള അയ്യപ്പസംഗമത്തിന്റെ ഉദ്ഘാടന വേദിയില് കൈ ഉയര്ത്തിയത്. പിന്നീടാണ് വിളിക്കേണ്ടത് സ്വാമിയേ ശരണമയ്യപ്പാ ആണെന്ന ബോധം മനസ്സില് ഉദിച്ചത്.
പ്രശാന്തിന്റെ ആക്ഷനും ശരണവിളിയും തമ്മിലുള്ള വൈരുദ്ധ്യം വീഡിയോ കണ്ടാല് അറിയാം. ഇതാണ് അയ്യപ്പ ഭക്തരെ അതൃപ്തരാക്കുന്നത്. ഇനി താന് എത്ര അയ്യപ്പവിശ്വാസിയാണെന്ന് പറഞ്ഞാലും വിശ്വസിക്കാന് ബുദ്ധിമുട്ടുണ്ടെന്ന് സാധാരണ ഭക്തര് പറയുന്നു.
ആകെ 632 പേരാണ് ആഗോള അയ്യപ്പസംഗമത്തില് പങ്കെടുത്തതെന്ന് ചില കണക്കുകള് പുറത്തുവന്നിട്ടുണ്ട്. അതായത് എന്താണോ ഉദ്ദേശിച്ചത് ആ ലക്ഷ്യം സര്ക്കാരിന് പൂര്ത്തിയാക്കാന് കഴിഞ്ഞോ എന്നത് സംശയമാണ്. അതിന് പുറമെയാണ് മുഷ്ടി ചുരുട്ടിയുള്ള ശരണം വിളി ഉയര്ത്തിയ നാണക്കേട്.
