പത്തനംതിട്ട ; ക്ഷേത്രങ്ങൾ വിശ്വാസികൾക്ക് കൈമാറില്ലെന്ന സൂചനകൾ നൽകി മുഖ്യമന്ത്രി പിണറായി വിജയൻ . വിശ്വാസികൾ കൈകാര്യംചെയ്തപ്പോൾ പല ക്ഷേത്രങ്ങളും തകർച്ചയിലായെന്നാണ് ആഗോള അയ്യപ്പസംഗമം ഉദ്ഘാടനം ചെയ്ത് പിണറായി വിജയൻ പറഞ്ഞത്.
ക്ഷേത്ര ഭരണം വിശ്വാസികള്‍ക്ക് വിട്ടുകൊടുത്ത് സര്‍ക്കാര്‍ പിന്‍മാറണമെന്ന വാദം ചിലര്‍ ഉയര്‍ത്തുന്നുണ്ട്. വിശ്വാസികളുടെ കൈകളിലായിരുന്നല്ലോ പണ്ട് ക്ഷേത്രങ്ങള്‍ ഉണ്ടായിരുന്നത്. ആരും നോക്കാനില്ലാതെ അത് നശിച്ച് പോയപ്പോഴാണ് സര്‍ക്കാരിന്റെ ഇടപെടല്‍ വേണമെന്ന ആവശ്യം ഭക്തരില്‍നിന്ന് തന്നെ വന്നത്.
അതോടെ തകര്‍ച്ചയിലായിരുന്ന നിരവധി ക്ഷേത്രങ്ങളും അവിടുത്തെ ജീവനക്കാരും ജീര്‍ണതയില്‍നിന്ന് രക്ഷപ്പെട്ടത്. അത്തരമൊരു തിരിച്ചുപോക്കാണോ വേണ്ടതെന്ന് ഈ വാദങ്ങള്‍ ഉന്നയിക്കുന്നരോട് ചോദിക്കണം . ക്ഷേത്ര വരുമാനത്തില്‍നിന്ന് സര്‍ക്കാര്‍ ഒരു പൈസ പോലും എടുക്കുന്നില്ല. ‘ – എന്നും പിണറായി വിജയൻ പറഞ്ഞു.
