ബെംഗളൂരു: പ്രായപൂര്ത്തിയാകാത്ത പ്രായത്തില് മെഡലും വിദേശ യാത്രയും വാഗ്ദാനം ചെയ്ത് പലതവണ ലൈംഗികമായി പീഡിപ്പിച്ചുവെന്നാരോപിച്ച് ബെംഗളൂരു ആസ്ഥാനമായുള്ള യോഗാധ്യാപകനും കര്ണ്ണാടക സംസ്ഥാന യോഗ സ്പോര്ട്സ് അസോസിയേഷന് സെക്രട്ടറിയുമായ എം. നിരഞ്ജന മൂര്ത്തിക്കെതിരെ പോക്സോ നിയമപ്രകാരം കേസെടുത്തു.
പ്രായപൂര്ത്തിയാകാത്ത ആണ്കുട്ടിയെയും നിരവധി സ്ത്രീകളെയും ലൈംഗികമായി പീഡിപ്പിച്ചുവെന്നും ആരോപണമുണ്ട്.
2023 ജനുവരി മുതല് ആര്ആര് നഗറിലെ സണ്ഷൈന് ഇന്സ്റ്റിറ്റ്യൂട്ടിലാണ് പീഡനം നടന്നതായി ആരോപിക്കപ്പെടുന്നത്. നിരഞ്ജന് മൂര്ത്തി സംഘടിപ്പിച്ച യോഗ മത്സരത്തില് പങ്കെടുക്കാന് തായ്ലന്ഡില് പോയപ്പോഴാണ് ആദ്യമായി ലൈംഗികമായി പീഡിപ്പിച്ചതെന്ന് അന്ന് 17 വയസുണ്ടായിരുന്ന യുവതി പരാതിയില് പറയുന്നു. 2025 ഓഗസ്റ്റില് ദേശീയ യോഗ മത്സരത്തില് മെഡലും സ്ഥാനവും വാഗ്ദാനം ചെയ്ത് ഇന്സ്റ്റിറ്റ്യൂട്ടില് വച്ച് ശാരീരിക ബന്ധത്തില് ഏര്പ്പെട്ടു. സംസ്ഥാനതല സ്ഥാനക്കയറ്റം നല്കാമെന്ന് ഉറപ്പ് നല്കി വീണ്ടും ശാരീരിക ബന്ധത്തിന് ശ്രമിച്ചുവെന്നും എഫ് ഐ ആറില് പറയുന്നു.
