തിരൂര്: തന്റെ ആരോപണങ്ങള്ക്ക് യൂത്ത് ലീഗ് നേതാവ് പി കെ. ഫിറോസ് മറുപടി പറഞ്ഞിട്ടില്ലെന്ന് കെ.ടി ജലീല്. ജോലി, ബിസിനസ്സ് എന്നിവയുമായി ബന്ധപ്പെട്ട ചോദ്യങ്ങള്ക്ക് വ്യക്തത വരുത്തിയില്ല. മറുപടി പറയാതെ യൂത്ത് ലീഗിന്റെ നേതൃ സ്ഥാനത്തിരിക്കാന് ഫിറോസിന് അവകാശമില്ല. കത്വ ഫണ്ടിന്റെ കണക്ക് പുറത്തുവിട്ടിട്ടില്ലെന്നും ജലീല് ചൂണ്ടിക്കാട്ടി.
മലപ്പുറത്തെ വെള്ളാപ്പള്ളിയാവാനാണ് കെ.ടി ജലീല് ശ്രമിക്കുന്നതെന്ന മുന് എംഎല്എ പി.വി അന്വറിന്റെ പരാമര്ശത്തെക്കുറിച്ച്, താന് മലപ്പുറത്തെ വെള്ളാപ്പള്ളിയാണെങ്കില് പി വി അന്വര് മലപ്പുറത്തെ പി.സി ജോര്ജ് ആണെന്ന് കെ.ടി ജലീല് പ്രതികരിച്ചു. ആഫ്രിക്കയില് പോയി സ്വര്ണം എടുക്കാന് തനിക്ക് കഴിയില്ലെന്നും അദ്ദേഹം പറഞ്ഞു.
