ജുനഗഢ് : കോൺഗ്രസ് നേതാവ് രാഹുൽ ഗാന്ധിയെ സ്വീകരിക്കാൻ പാകിസ്ഥാൻ ഗാനം ആലപിച്ച് കോൺഗ്രസ് പ്രവർത്തകർ . സെപ്റ്റംബർ 12 ന് ഗുജറാത്തിലെ ജുനഗഢിൽ നടത്തിയ സന്ദർശനത്തിന്റെ വീഡിയോയാണ് വൈറലായിരിക്കുന്നത് . പാർട്ടി അനുയായികൾ രാഹുലിനെ സ്വാഗതം ചെയ്യുന്നതിനിടെ പാകിസ്ഥാൻ ഗാനം ആലപിക്കുന്നത് ദൃശ്യങ്ങളിൽ കാണാം . സോഷ്യൽ മീഡിയയിൽ വ്യാപകമായി പങ്കിട്ട ഈ ക്ലിപ്പ് ബിജെപി വക്താവ് പ്രദീപ് ഭണ്ഡാരിയും പങ്ക് വച്ചിട്ടുണ്ട്.
ഇതിനെ “ലജ്ജാകരം” എന്ന് വിശേഷിപ്പിച്ച ഭണ്ഡാരി, “നമ്മുടെ സൈനികർ പാകിസ്ഥാനെതിരെ അതിർത്തി കാക്കുമ്പോൾ, കോൺഗ്രസ് അനുയായികൾ അവരുടെ നേതാവിനായി പാകിസ്ഥാൻ ഗാനങ്ങൾ ആലപിക്കുന്നു. രാഹുൽ ഗാന്ധിക്ക് ഇന്ത്യയോടുള്ള വിശ്വസ്തത ഇതാണ്.” പ്രദീപ് ഭണ്ഡാരി പറഞ്ഞു.
ഇന്ത്യൻ സൈനികരുടെ ത്യാഗങ്ങളെ കോൺഗ്രസ് അനാദരിച്ചു എന്ന് ബിജെപി ആരോപിച്ചു. അതേസമയം ഇക്കാര്യത്തിൽ പ്രതികരിക്കാൻ കോൺഗ്രസ് തയ്യാറായിട്ടില്ല.
