ബ്രസ്സൽസ്: ഗൂഗിളിനെതിരെ വൻ നടപടി സ്വീകരിച്ച് യൂറോപ്യൻ കമ്മീഷൻ. എപി റിപ്പോർട്ട് അനുസരിച്ച് ദുരുപയോഗം ചെയ്യുന്ന ഓൺലൈൻ പരസ്യ രീതികൾ കാരണം യൂറോപ്യൻ കമ്മീഷൻ ഗൂഗിളിന് ഏകദേശം 3.5 ബില്യൺ ഡോളർ പിഴ ചുമത്തിയെന്നാണ്. ഇന്ത്യൻ രൂപയിൽ ഈ പിഴ തുക ഏകദേശം 3,08,59,10,87,700 രൂപയാണ്.
യൂറോപ്യൻ കമ്മീഷന്റെ ആസ്ഥാനം ബെൽജിയത്തിലെ ബ്രസ്സൽസിലാണ്. അതേ സമയം ഗൂഗിളിനെതിരെ ഇത്രയും വലിയ നടപടി സ്വീകരിച്ചത് ഇതിനോടകം കോളിളക്കം സൃഷ്ടിച്ചു കഴിഞ്ഞു. ഈ നടപടിക്ക് മറുപടിയായി ഗൂഗിൾ എന്താണ് പറയുന്നതെന്നാണ് ലോകം ഇപ്പോൾ ഉറ്റുനോക്കുന്നത്.
