ന്യൂദല്ഹി: യുഎസിന്റെ ചങ്ങാത്തം ത്യജിച്ച്, ഇന്ത്യന് താല്പര്യങ്ങള് സംരക്ഷിക്കാന് ശ്രമിക്കുന്ന പ്രധാനമന്ത്രി മോദിയെ അഭിന്ദിച്ചേ മതിയാൂ എന്ന് ഹിന്ദു ദിനപത്രകുടുംബത്തില് നിന്നുള്ള മാലിനി പാര്ത്ഥസാരഥി. ഹിന്ദു ഗ്രൂപ്പിന്റെ ഡയറക്ടര്മാരില് ഒരാള് കൂടിയാണ് മാലിനി പാര്ത്ഥസാരഥി.
ട്രംപ് വലിയ പിഴച്ചുങ്കം ചുമത്തി ഇന്ത്യയുടെ സാമ്പത്തിക താല്പര്യങ്ങള്ക്ക് ആഘാതം നല്കിയ ഈ നാളുകളില് രാജ്യം മുഴുവന് നരേന്ദ്രമോദി സര്ക്കാരിനൊപ്പം നില്ക്കണം.- മാലിനി പാര്ത്ഥസാരഥി പറയുന്നു. അധികാരത്തില് ഇരുന്നപ്പോള് പാകിസ്ഥാനുമായും ചൈനയുമായും ചങ്ങാത്തം വേണമെന്ന് ആവശ്യപ്പെട്ടിരുന്ന കോണ്ഗ്രസ് ഇപ്പോള് അവസരവാദരാഷ്ട്രീയം പുറത്തെടുത്ത് കളര് മാറ്റിക്കാണിക്കുകയാണ്. – കോണ്ഗ്രസിനെ വിമര്ശിച്ചുകൊണ്ട് മാലിനി പാര്ത്ഥ സാരഥി പറഞ്ഞു.
നമ്മുടെ പരമാധികാര ദേശീയ താല്പര്യങ്ങള് സംരക്ഷിക്കാന് ആഭ്യന്തര ഭിന്നതകള് മാറ്റിവെയ്ച്ച് ഒന്നിക്കണമെന്നും മാലിനി പാര്ത്ഥി സാരഥി ആവശ്യപ്പെടുന്നു.
ഹിന്ദു ദിനപത്രത്തിന്റെ മറ്റ് ഉടമകളായ എന്.റാമിനും എന്. മുരളിയ്ക്കും എതിരായ നിലപാട് ഉള്ള വ്യക്തിയാണ് മാലിനി. കോയമ്പത്തൂരിലെ ജഗ്ഗീവാസുദേവിനെ പിന്തുണയ്ക്കുന്ന വ്യക്തിയാണ് മാലിനി. അതുപോലെ മദ്രാസ് മ്യൂസിക് അക്കാദമിയുടെ സംഗീതകലാനിധി അവാര്ഡ് രാഷ്ട്രീയത്തിന്റെ ഭാഗമായി സനാതനധര്മ്മത്തിനെതിരെ പ്രവര്ത്തിക്കുന്ന ടി.എം.കൃഷ്ണയ്ക്ക് നല്കിയതിനെയും മാലിനി പാര്ത്ഥസാരഥി വിമര്ശിച്ചിരുന്നു.
