തൃശ്ശൂര് : സമീപകാലത്ത് തൃശൂരില് നടത്തിയ ഏറ്റവും വലിയ ലഹരിവേട്ടയില് 14.69 ഗ്രാം എംഡിഎംഎയുമായി യുവതികളടക്കം മൂന്നുപേര് പിടിയിലായി. പത്തനാപുരം മാങ്കോട്ട പുത്തന്വീട്ടില് ഷഹന ഷാജഹാന് (26), ആലുവ തായിക്കാട്ടുകര പുത്തോളിപ്പമ്പില് ആഷിക് (28), ആഷിക്കിന്റെ സുഹൃത്തിന്റെ ഭാര്യ ചാലക്കുടി വൈന്തല കാരാനിപ്പുറത്ത് ഹരിത(25) എന്നിവരെയാണ് തൃശൂര് വെസ്റ്റ് പോലീസ് പിടികൂടിയത്. ഡാന്സാഫ് സ്ക്വാഡും സഹായിച്ചു. ബംഗളൂരുവില്നിന്ന് ലഹരിയുമായി മൂന്നുപേര് എത്തുന്നെന്ന വിവരത്തിന്റെ അടിസ്ഥാനത്തില് പരിശോധന നടത്തുകയും ഇവര് തൃശൂരില് ട്രെയിന് ഇറങ്ങിയപ്പോള് പിടിയിലാവുകയുമായിരുന്നു. ഇവരില് നിന്ന് എംഡിഎംഎ വാങ്ങാനെത്തിയയാളെ പിടികൂടാന് കഴിഞ്ഞില്ല.
