കോഴിക്കോട്: നടുറോഡില് നടന്നുപോകുകയായിരുന്ന യുവതിയെ മദ്യലഹരിയില് പട്ടാപ്പകല്ചവിട്ടി വീഴ്ത്തിയ യുവാവ് പിടിയില്. കേസെടുത്ത പൊലീസ് തിരുവമ്പാടി സ്വദേശിയായ ഷിഹാബുദ്ദീനെയാണ് പിടികൂടിയത്. മുക്കം നഗരത്തിലാണ് സംഭവം നടന്നത്.
ഇതിന്റെ സി സി ടി വി ദൃശ്യം പുറത്തുവന്നു. ബിവറേജിന് സമീപമുള്ള റോഡിലൂടെ നടന്നുപോവുകയായിരുന്ന രണ്ട് സ്ത്രീകളില് ഒരാള്ക്കാണ് ചവിട്ടേറ്റത്.
കഴിഞ്ഞ ദിവസം വൈകിട്ട് നാലോടെയാണ് സംഭവം.തിരുവമ്പാടി ബീവറേജ് ഔട്ട്ലെറ്റിന് സമീപമുള്ള റോഡിലൂടെ നടന്നുപോവുകയായിരുന്നു സ്ത്രീകള്. തുടര്ന്ന് ഷിഹാബുദ്ദീനും ഇവരും തമ്മില് വാക്കുതര്ക്കമുണ്ടായി.പിന്നാലെ ഇയാള് ഇവര്ക്ക് സമീപത്തേക്ക് ഓടിയെത്തി ഒരു യുവതിയുടെ പിന്നില് ശക്തമായി ചവിട്ടി.
തെറിച്ചുപോയ യുവതി റോഡരികിലേക്ക് വീഴുന്ന ദൃശ്യം പുറത്തുവന്നിട്ടുണ്ട്. ആളുകള് കൂടുന്നതിന് മുന്പ് തന്നെ ഷിഹാബുദ്ദീന് സ്ഥലത്ത് നിന്ന് കടന്നുകളഞ്ഞു.പരാതി ലഭിച്ചതിനെ തുടര്ന്ന് തിരുവമ്പാടി പൊലീസ് അന്വേഷണം നടത്തി പ്രതിയെ പിടികൂടുകയായിരുന്നു.
