ഇടുക്കി: തൊടുപുഴ ഉടുമ്പന്നൂരില്‍ യുവാവും യുവതിയും മരിച്ചനിലയില്‍. ഉടുമ്പന്നൂര്‍ പാറേക്കവല മനയ്‌ക്കത്തണ്ട് മനയാനിക്കല്‍ ശിവഘോഷ് (19), പാറത്തോട് ഇഞ്ചപ്ലാക്കല്‍ മീനാക്ഷി (19) എന്നിവരാണ് മരിച്ചത്.
വെളളിയാഴ്ച ഉച്ചയ്‌ക്ക് രണ്ട് മണിയോടെയാണ് സംഭവം പുറത്തറിയുന്നത്. ശിവഘോഷ് താമസിക്കുന്ന വാടകവീട്ടിലാണ് തൂങ്ങിമരിച്ച നിലയില്‍ കണ്ടെത്തിയത്. ഉടന്‍തന്നെ അടുത്തുള്ള സ്വകാര്യ ആശുപത്രിയിലെത്തിച്ചെങ്കിലും മരിച്ചിരുന്നു.
ശിവഘോഷ് മീനാക്ഷിയുമായി ദീര്‍ഘകാലമായി പ്രണയത്തിലായിരുന്നു. അടുത്തദിവസങ്ങളില്‍ ചില തര്‍ക്കങ്ങള്‍ ഇവര്‍ തമ്മിലുണ്ടായിരുന്നതായും വിവരമുണ്ട്. പെണ്‍കുട്ടിയുടെ ലൊക്കേഷന്‍ പരിശോധിച്ച പൊലീസ് ശിവഘോഷ് മരിച്ച വീടിന് സമീപം തന്നെയുള്ളതായി കണ്ടെത്തി. പിന്നാലെ നടത്തിയ അന്വേഷണത്തില്‍ അതേ വീട്ടിലെത്തന്നെ ശുചിമുറിയോടു ചേര്‍ന്നുള്ള മുറിയില്‍ പെണ്‍കുട്ടിയെ നിലത്ത് മരിച്ച നിലയില്‍ കണ്ടെത്തി. പൊലീസ് കൂടുതല്‍ അന്വേഷണം നടത്തുന്നു.
