ഇസ്ലാമാബാദ്: പഹല്ഗാം ഭീകരാക്രമണത്തിനു തിരിച്ചടിയായി ഭാരതം നടത്തിയ ഓപ്പറേഷന് സിന്ദൂറില് വലിയ നാശനഷ്ടമുണ്ടായെന്ന് ആദ്യമായി പാകിസ്ഥാന് സമ്മതിച്ചു. 13 പട്ടാളക്കാരടക്കം 50 പേര് മരിച്ചതായും വലിയ നാശനഷ്ടമുണ്ടായതായും പാക് അധികൃതര് വ്യക്തമാക്കി.
ഭോലാരി സൈനികത്താവളത്തില് ഭാരതത്തിന്റെ ആക്രമണത്തില് സ്ക്വാഡ്രണ് ലീഡര് ഉസ്മാന് യൂസഫ് മരിച്ചെന്നു സ്ഥിരീകരിച്ചു. യൂസഫടക്കം ഓപ്പറേഷന് സിന്ദൂറില് കൊല്ലപ്പെട്ട 13 സൈനികര്ക്കും കഴിഞ്ഞ ദിവസം സ്വാതന്ത്ര്യദിനത്തില് പ്രസിഡന്റിന്റെ ധീരതയ്ക്കുള്ള അവാര്ഡുകള് നല്കി. ഇതോടെയാണ് 13 സൈനികര് കൊല്ലപ്പെട്ടെന്നു സ്ഥിരീകരിച്ചത്.
നൂര്ഖാന്, സര്ഗോധ, ജെക്കോബാബാദ്, ഭോലാരി, ഷോര്കോട്ട് സൈനിക താവളങ്ങളില് വലിയ നാശനഷ്ടമുണ്ടായെന്നും മൂന്നു മാസത്തിനു ശേഷം പാകിസ്ഥാന് സമ്മതിച്ചതായി സിഎന്എന് ന്യൂസ് റിപ്പോര്ട്ട് ചെയ്തു. നൂര്ഖാന് താവളത്തില് ഭാരതത്തിന്റെ ആക്രമണത്തില് യുഎസ് സാങ്കേതിക വിദഗ്ധര്ക്ക് പരിക്കേറ്റു.
