കൊല്ലം: രണ്ടാനച്ഛന്റെ ക്രൂരതയ്ക്ക് ഇരയായ കുഞ്ഞിന്റെ സംരക്ഷണം സിഡബ്ലുസി ഏറ്റെടുത്തു.തെക്കുംഭാഗത്ത് ആണ് സംഭവം.കുട്ടി മുത്തശിയോട് വികൃതി കാട്ടിയതിന് കാലില് ഇസ്തിരി പെട്ടികൊണ്ട് പൊള്ളിക്കുകയായിരുന്നു.
രണ്ടാനച്ഛനെതിരെ പൊലീസ് കേസ് എടുത്തു.കുട്ടിയുടെ അമ്മ വിദേശത്താണ്.പൊള്ളലേറ്റ കാലുമായി അങ്കണവാടിയില് പോയ കുട്ടി അധ്യാപികയോട് കാര്യം പറയുകയായിരുന്നു.അധ്യാപിക ഉടന് തന്നെ ചൈല്ഡ് ലൈനില് വിവരം അറിയിച്ചു. ചൈല്ഡ് ലൈന് അധികൃതര് കുട്ടിക്ക് കൗണ്സിലിംഗ് നല്കിയ ശേഷം പൊലീസില് പരാതി നല്കി.
മൈനാഗപ്പളളി സ്വദേശി രണ്ടാനച്ഛനെ തെക്കുംഭാഗം പൊലീസ് കസ്റ്റഡിയില് എടുത്തു. പെട്ടെന്ന് ഉണ്ടായ ദേഷ്യത്തില് ചെയ്തതാണെന്നാണ് രണ്ടാനച്ഛന് പൊലീസിനോട് പറഞ്ഞത്.രണ്ടാനച്ഛനൊപ്പമാണ് ക്രൂരപീഡനത്തിന് ഇരയായ കുട്ടിയും സഹോദരങ്ങളും താമസിക്കുന്നത്.
