കൊല്ലം: കെ സി എല് രണ്ടാം സീസണില് കൊല്ലം ജില്ലയെ പ്രതിനിധികരിക്കുന്നത് പരിചയ സമ്പന്നരായ ഒന്പത് താരങ്ങളാണ്. ഇതില് ആറ് പേരും കൊല്ലം ടീമിന് വേണ്ടിത്തന്നെയാണ് അണി നിരക്കുന്നത്. രാഹുല് ശര്മ്മ, അതുല്ജിത്ത് അനു, അമല് എ.ജി,ആഷിഖ് മുഹമ്മദ്,സച്ചിന് പി.എസ്,അജയഘോഷ് എന്.എസ് എന്നിവരാണ് ഏരീസ് കൊല്ലം സെയിലേഴ്സിനാണ് കളിക്കാനിറങ്ങുക.
രാഹുല് ശര്മ്മ, ആഷിഖ് മുഹമ്മദ് എന്നിവരെ ഏരീസ് കൊല്ലം സെയിലേഴ്സ് ലേലത്തിലൂടെ സ്വന്തമാക്കുകയായിരുന്നു.നിര്ണ്ണായ ഘട്ടത്തില് മികച്ച ബാറ്റിം?ഗ് പ്രകടനം പുറത്തെടുക്കാന് സാധിക്കുന്ന താരമാണ് രാഹുല് ശര്മ്മ.ആഷിഖ് മുഹമ്മദാകട്ടെ കഴിഞ്ഞ സീസണില് ഏരീസ് കൊല്ലം സെയിലേഴ്സിനായി മികച്ച ബൗളി?ഗ് പ്രകടനവും കഴിച്ചവെച്ചിരുന്നു. കഴിഞ്ഞ തവണ കൊച്ചി ബ്ലൂ ടൈഗേഴ്സ് വേണ്ടി കളിച്ച ഫാസ്റ്റ് ബൗളര് അജയഘോഷിനെ അടിസ്ഥാന വിലയായ 75000 രൂപയ്ക്കാണ് ഏരീസ് കൊല്ലം സെയിലേഴ്സ് സ്വന്തമാക്കിയത്.
ഇടംകൈയന് ഫാസ്റ്റ് ബൗളറും കേരള അണ്ടര് 19 താരവും ആയ ടി.എസ് വിനിലിനെ അദാനി ട്രിവാന്ഡ്രം റോയല്സ് നിലനിര്ത്തി. കഴിഞ്ഞ സീസണില് ട്രിവാന്ഡ്രം റോയല്സിന് വേണ്ടി 7 വിക്കറ്റ് ആണ് ഈ കൊല്ലം സ്വദേശി വീഴ്ത്തിയത്.1.5 ലക്ഷം രൂപയ്ക്കാണ് വിനിലിനെ ട്രിവാന്ഡ്രം റോയല്സ് ടീമിലെത്തിച്ചത്. വെടിക്കെട്ട് ബാറ്ററും വിക്കറ്റ് കീപ്പറുമായ അദ്വൈത് പ്രിന്സിനെയും അദാനി ട്രിവാന്ഡ്രം റോയല്സാണ് സ്വന്തമാക്കിയത്.75,000 രൂപയാണ് അദ്വൈത് പ്രിന്സിന് ലഭിച്ച ലേലത്തുക.സ്ഥിരതയുള്ള ബാറ്റിംഗും വിക്കറ്റ് കാക്കുന്നതിലെ മികവുമാണ് അദ്വൈതിനെ ട്രിവാന്ഡ്രം റോയല്സിന്റെ ടീമിലെത്തിച്ചത്.
ഓള് റൗണ്ടറായ അക്ഷയ് മനോഹറിനെ തൃശൂര് ടൈറ്റന്സ് ലേലത്തിലൂടെ തിരികെ പിടിക്കുകയായിരുന്നു. മികച്ച ബാറ്റിങ് – ബൗളിങ് ശരാശരി ഉള്ള ഈ കൊല്ലംകാരനെ 3.50 ലക്ഷം രൂപയ്ക്കാണ് ടൈറ്റന്സ് ടീമില് എത്തിച്ചത്.
