ന്യൂദല്ഹി: ട്രംപ് പറഞ്ഞതുപോലെ ഇന്ത്യന് സമ്പദ്ഘടന മരിച്ചുവോ എന്ന ചോദ്യം ചാറ്റ് ജിപിടിയോട് ചോദിച്ചപ്പോള് ഞെട്ടിക്കുന്ന മറുപടിയാണ് ലഭിച്ചത്. “ഇന്ത്യന് സമ്പദ്ഘടന അടുത്തകാലത്തെങ്ങും മരിയ്ക്കില്ല. അത് വളരെ ചലനാത്മകമായ സമ്പദ്ഘടനയാണ്.”- ചാറ്റ് ജിപിടിയുടെ ഉത്തരം കേട്ട് ട്രംപ് പോലും ഞെട്ടി. കാരണം അമേരിക്കയുടെ സ്വന്തം എഐ പ്ലാറ്റ് ഫോമായ ചാറ്റ് ജിപിടി പോലും ട്രംപിന്റെ പ്രസ്താവനയെ തള്ളിക്കളയുകയാണ്.
അമേരിക്കയിലെ മറ്റ് എഐ പ്ലാറ്റ് ഫോമുകളും ഏകദേശം സമാന മറുപടികളാണ് നല്കിയത്. ഇലോണ് മസ്കിന്റെ ഉടമസ്ഥതയിലുള്ള ഗ്രോക് എന്ന എഐ പ്ലാറ്റ് ഫോം നല്കിയ ഉത്തരം ഇതാണ്: ” ഇന്ത്യന് സമ്പദ്ഘടന മരിച്ചിട്ടില്ല. അത് ലോകത്ത് ഏറ്റവും വേഗത്തില് വളരുന്ന സമ്പദ്ഘടനയാണ്.”
ജെമിനി എന്ന ഗൂഗിളിന്റെ എഐ സെര്ച്ച് പ്ലാറ്റ് ഫോമിനോട് ഇന്ത്യയുടെ സമ്പദ്ഘടന മരിച്ചുവോ എന്ന ചോദ്യം ചോദിച്ചപ്പോള് കിട്ടിയ ഉത്തരം ഇതാണ്:” ശക്തമായ വളര്ച്ചയാണ് ഇന്ത്യന് സമ്പദ്ഘടനയുടെ സ്വഭാവം.”
മാര്ക്ക് സക്കര്ബര്ഗിന്റെ ഉടമസ്ഥതയിലുള്ള മെറ്റ എഐയില് നിന്നും ഇന്ത്യന് സമ്പദ്ഘടനയെക്കുറിച്ച് ചോദിച്ചപ്പോള് കിട്ടിയ ഉത്തരം ഇതാണ്: “ഇന്ത്യന് സമ്പദ്ഘടന മരിച്ചിട്ടില്ല. ആഗോളതലത്തില് തന്നെ ഏറ്റവും വേഗത്തില് വളരുന്ന സമ്പദ്ഘടനയാണ് ഇന്ത്യയുടേത്.” എന്തായാലും അമേരിക്ക കേന്ദ്രമായി പ്രവര്ത്തിക്കുന്ന എഐ ചാറ്റ് ബോട്ടുകളെല്ലാം ട്രംപിന്റെ പ്രസ്താവന തള്ളിക്കളഞ്ഞത് ഇന്ത്യയുടെയും മോദിയുടെയും വിജയമാണ്.
