കൊച്ചി: അമിത ലാഭം ഒഴിവാക്കി വെളിച്ചെണ്ണ വിപണിയിലേക്ക് എത്തിക്കാമെന്ന് വ്യവസായികള് ഉറപ്പു നല്കിയെന്ന് ഭക്ഷ്യ വകുപ്പ് മന്ത്രി ജി.ആര് അനില്. വ്യവസായികള്ക്കും കര്ഷകര്ക്കും ഉപഭോക്താക്കള്ക്കും ഒരു പോലെ സഹായകരമാകുന്ന രീതിയില് വിലക്കയറ്റം തടയാനാണ് സര്ക്കാര് ശ്രമിക്കുന്നതെന്നും മന്ത്രി പറഞ്ഞു. കൊച്ചിയില് വ്യവസായികളുമായി നടത്തിയ ചര്ച്ചയിലാണ് തീരുമാനം.
ഓണത്തോടനുബന്ധിച്ച് സപ്ലൈക്കോ നടത്തുന്ന ടെണ്ടറില് വ്യവസായികള്ക്ക് കുറഞ്ഞ നിരക്കില് പങ്കെടുക്കാനുള്ള അവസരം ഒരുക്കും. ഇത് വഴി വിപണിയിലെ വില കുറക്കാന് കഴിയുമെന്നാണ് പ്രതീക്ഷിക്കുന്നത്. സപ്ലൈകോയില് നിന്നുള്ള വെളിച്ചെണ്ണയുടെ വില കുറയുന്നതിനനുസരിച്ച് വിപണിയിലാകെ വില കുറയുമെന്നാണ് പ്രതീക്ഷിക്കുന്നതെന്നും മന്ത്രി പറഞ്ഞു.
