തിരുവല്ല: മന്നം കരച്ചിറയില്‍ കാര്‍ നിയന്ത്രണം വിട്ട് കുളത്തില്‍ വീണുണ്ടായ അപകടത്തില്‍ പരിക്കേറ്റ് ചികിത്സയിലായിരുന്ന മുത്തൂര്‍ സ്വദേശിയായ യുവാവും മരിച്ചു. ചാലക്കുഴി ഇലഞ്ഞിമൂട്ടില്‍ വീട്ടില്‍ രഞ്ജിയുടെ മകന്‍ ഐബി പി. രഞ്ജി (20) ആണ് മരിച്ചത്.
തലയ്‌ക്ക് ഗുരുതര പരിക്കേറ്റ് ഐബി തിരുവല്ല മെഡിക്കല്‍ മിഷന്‍ ആശുപത്രിയില്‍ ചികിത്സയിലായിരുന്നു. അപകടത്തില്‍ തിരുവല്ല കാരയ്‌ക്കല്‍ സ്വാമിപാലം ശ്രീവിലാസത്തില്‍ ജയകൃഷ്ണന്‍ (22) സംഭവസ്ഥലത്ത് തന്നെ മരിച്ചിരുന്നു. വ്യാഴാഴ്ച രാത്രിയായിരുന്നു അപകടം. ജയകൃഷ്ണനും ഐബിയും അനന്തുവും സഞ്ചരിച്ച കാര്‍ മുത്തൂര്‍ – കാവുംഭാഗം റോഡില്‍വച്ച് നിയന്ത്രണം വിട്ട് വൈദ്യുതി പോസ്റ്റില്‍ ഇടിക്കുകയും തുടര്‍ന്ന് കുളത്തിലേക്ക് വീഴുകയുമായിരുന്നു. അഗ്‌നിശമനസേന എത്തിയാണ് ഇവരെ പുറത്തെടുത്തത്. ഒപ്പമുണ്ടായിരുന്ന മുത്തൂര്‍ സ്വദേശി അനന്തു വലിയ പരിക്കില്ലാതെ രക്ഷപ്പെട്ടു.
കാര്‍ നിയന്ത്രണം വിട്ട് പോസ്റ്റിലിടിച്ച് കുളത്തില്‍ വീണു, രണ്ടു യുവാക്കള്‍ മരിച്ചു, ഒരാള്‍ രക്ഷപ്പെട്ടു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.