കോട്ടയം: പി എം കിസാന് എന്ന ലേബലില് പിഡിഎഫ് വാട്സ്ആപ്പില് ലഭിച്ചാല് ആവേശപൂര്വം തുറക്കുവാന് ശ്രമിക്കരുത്, പണി ഉറപ്പ്. കഴിഞ്ഞ ദിവസം പാമ്പാടിയിലെ ഒരു പ്രാദേശിക മാധ്യമ പ്രവര്ത്തകനാണ് തന്റെ ഫോണില് ലഭിച്ച പിഎം കിസാന് പിഡിഎഫ് തുറക്കാന് ശ്രമിച്ചതിലൂടെ കുടുങ്ങിയത്.
ഫയല് ഓപ്പണ് ചെയ്തതിന് പിന്നാലെ വാട്ട്സ്ആപ്പ് ഹാക്ക് ആയി. തുടര്ന്ന് ഹാക്കായ ഫോണിലെ കോണ്ടാക്റ്റ് നമ്പരുകളിലേക്കെല്ലാം ഹാക്കര് നിരവധി തവണ മെസേജുകള് അയക്കുന്നു. ചൊവ്വാഴ്ച രാത്രിയാണ് ഫോണ് ഹാക്ക് ചെയ്യപ്പെട്ടത്. ഇതിനെ തുടര്ന്ന് സൈബര് സെല്ലില് പരാതി നല്കി.
പിഎം കിസാന് എപികെ എന്ന പേരില് 13എംബി സൈസുള്ള ഫയലാണ് എത്തുക. കേന്ദ്ര സര്ക്കാരിന്റെ ജനപ്രിയ പദ്ധതികളിലൊന്നാണ് ‘പിഎം കിസാന്’. അതുകൊണ്ടുതന്നെ ഇത് സംബന്ധിച്ച വാര്ത്തകളോ ഇ-ഫയലുകളോ കണ്ടാല് ആരും നോക്കും. അതായിരിക്കും ഈ നാമത്തില് തന്നെ ഹാക്കര്മാര് ഇറങ്ങിയിരിക്കുന്നത്.
വാട്ട്സ്ആപ്പ് ഹാക്ക് ചെയ്യപ്പെട്ടെന്ന് തിരിച്ചറിഞ്ഞതോടെ അക്കൗണ്ട് ഡിലീറ്റ് ചെയ്തെങ്കിലും ഇതിലെ കോണ്ടാക്ട് നമ്പരുകളിലേക്ക് വാട്ട്സാപ്പ് സന്ദേശം ഷെയര് ചെയ്യുന്നത് തുടരുകയാണ്. പ്രൊഫൈല് ചിത്രവും മാറിയിട്ടുണ്ട്. പിഎം കിസാന് ലോഗോയാണ് നിലവിലെ പ്രൊഫൈല് ചിത്രം.
