ധര്മ്മസ്ഥല: നൂറില്പരം പെണ്കുട്ടികളുടെ ജഡം താന് മഞ്ജുനാഥക്ഷേത്രത്തിനു ചുറ്റുമുള്ള പ്രദേശങ്ങളില് കുഴിച്ചിട്ടെന്ന ക്ഷേത്രത്തില് ശുചീകരണത്തൊഴിലാളി നടത്തിയ വെളിപ്പെടുത്തലിന് പിന്നാലെ ക്ഷേത്രഭാരവാഹികളെ സംശയിക്കുന്ന തരത്തില് ലക്ഷക്കണക്കിന് യൂട്യൂബ് വീഡിയോകള് നിര്മ്മിക്കപ്പെട്ടതിന് പിന്നില് ഗൂഢാലോചനയുണ്ടോ എന്ന് സംശയം. “ദിവസേന 50000 പേര്ക്ക് സൗജന്യമായി ഭക്ഷണം കൊടുക്കുന്ന, ഇന്ത്യയുടെ നാനാഭാഗത്ത് നിന്നും ഭക്തര് പ്രാര്ത്ഥിക്കാന് എത്തുന്ന ഈ ക്ഷേത്രത്തിനകത്ത് എങ്ങിനെയാണ് പെണ്കുട്ടികളെ കൊല ചെയ്യാന് സാധിക്കുക?”- കെ.പാര്ശ്വനാഥ് ജെയിന് എന്ന ക്ഷേത്രവുമായി ബന്ധപ്പെട്ട ഭാരവാഹി ചോദിക്കുന്നു. നിരന്തരമായി യൂട്യൂബ് വീഡിയോകളിലൂടെ ക്ഷേത്രത്തെയും ചുമതലക്കാരെയും അപകീര്ത്തിപ്പെടുത്തുകയാണെന്നും അദ്ദേഹം ആരോപിക്കുന്നു.
പെണ്കുട്ടികള് കൊലചെയ്യപ്പെട്ടിട്ടുണ്ടെങ്കില് അതിന് പിന്നിലെ കുറ്റക്കാര് പിടിക്കപ്പെടേണ്ടതുണ്ട്. അതിന് അന്വേഷണം നടക്കുന്നുണ്ട്. അതിന് മുന്പ് ചിലരെ സംശയത്തിന്റെ നിഴലില് നിര്ത്തുന്നത് ശരിയല്ലെന്നും കെ.പാര്ശ്വനാഥ് ജെയിന് വാദിക്കുന്നു.
മഞ്ജുനാഥ. ക്ഷേത്രഭാരവാഹികള് ഈ ദുഷ്പചാരണങ്ങള് നിര്ത്തണമെന്ന് ആവശ്യപ്പെട്ട് കോടതിയെ സമീപിച്ചു.ബെംഗളൂരു സിറ്റി ആന്റ് സിവില് ആന്റ് സെഷന്സ് കോടതിയില് കോടതിയില് നല്കിയ ഇവരുടെ പരാതിക്ക് അനുകൂലമായ വിധി വന്നിരിക്കുകയാണ്. ക്ഷേത്രത്തെ അപമാനിക്കുന്ന തരത്തില് വാര്ത്തകള് കൊടുക്കരുതെന്നും ഇപ്പോള് ക്ഷേത്രഭാരവാഹികളെ അപകീര്ത്തിപ്പെടുത്തുന്ന രീതിയില് യുട്യൂബില് നല്കിയിരിക്കുന്ന 8842 വീഡിയോകളുടെ ലിങ്കുകള് പിന്വലിക്കാനും കോടതി ഉത്തരവിട്ടിരിക്കുകയാണ്.
ബിജെപിയുടെ ശക്തികേന്ദ്രങ്ങളില് ഒന്നായ ദക്ഷിണകന്നഡയില് ഇസ്ലാമിക മതമൗലികവാദ പ്രവര്ത്തനങ്ങള് ശക്തിപ്പെട്ടുകൊണ്ടിരിക്കുകയാണ്. ഈയിടെ യുവമോര്ച്ച പ്രവര്ത്തകരെ പലരെയും ക്രൂരമായി കൊല ചെയ്തിട്ടുണ്ട്. അതുപോലെ ഇവിടുത്തെ കോളെജുകളില് ബുര്ഖ ധരിച്ച് വരാന് മുസ്ലിം പെണ്കുട്ടികളെ അനുവദിക്കണമെന്നാവശ്യപ്പെട്ടുള്ള ചില സമരങ്ങള് പൊടുന്നനെ പൊട്ടിപ്പുറപ്പെട്ടതും ഇവിടെ വര്ഗ്ഗീയ ധ്രൂവീകരണം ഉണ്ടാക്കാനുള്ള ശ്രമമായി ആരോപിക്കപ്പെട്ടിരുന്നു. മഞ്ജനാഥ ക്ഷേത്രത്തെ തകര്ക്കാനുള്ള ഗൂഢാലോചനയുടെ ഭാഗമാണോ ഭീതി പ്രചരിപ്പിക്കുന്ന, വസ്തുതകള് പെരുപ്പിച്ച് കാട്ടിയുള്ള യൂട്യൂബ് വാര്ത്തകള് എന്ന് സംശയിക്കപ്പെടുന്നു. ഒരു പ്രത്യേകമതവിഭാഗത്തില്പ്പെട്ട യുട്യൂബര്മാരുടെ നീക്കങ്ങളും സംശയം ഉളവാക്കുന്നു.
അതുപോലെ ചില മതപരിവര്ത്തന ലോബികളും ഇവിടെ ശക്തമായി പ്രവര്ത്തനം നടത്തിവരുന്നുണ്ട്. അതില്പ്പെട്ട ചിന്നപ്പ ഉത്തംഗി എന്ന ബേസല് മിഷന് ഇവാഞ്ചലിസ്റ്റും ഇതിന് പിന്നിലുണ്ടെന്ന ചില ആരോപണങ്ങള് ഉയരുന്നുണ്ട്. ചിന്നപ്പ ഉത്തംഗി എന്ന ബേസല് മിഷന് ഇവാഞ്ചലിസ്റ്റും ക്ഷേത്ര ട്രസ്റ്റുമായി നേരത്തെ മുതലേ ചില പ്രശ്നങ്ങള് നിലനിന്നിരുന്നതായി പറയുന്നു. കോയമ്പത്തൂരില് ജഗ്ഗി വാസുദേവിനെതിരെ ഒട്ടേറെ അപകീര്ത്തികരമായ പ്രചാരണങ്ങള് അഴിച്ചുവിടുന്നതിന് പിന്നില് അവിടുത്തെ ഒരു ഇവാഞ്ചലിക്കല് ഗ്രൂപ്പാണെന്നും ആരോപിക്കപ്പെട്ടിരുന്നു. അവിടെ ഡിഎംകെ സര്ക്കാരിനെപ്പോലും ഈ ഇവാഞ്ചലിക്കല് ഗ്രൂപ്പ് ജഗ്ഗി വാസുദേവിനെതിരെ സ്വാധീനിക്കുന്നതായും ആരോപണമുണ്ട്. ഇതിന് സമാനമാണോ ധര്മ്മസ്ഥലയിലെ മഞ്ജുനാഥക്ഷേത്രത്തിനെതിരായ ആരോപണം എന്നും സംശയം ചിലര് ഉയര്ത്തുന്നു.
