കോഴിക്കോട്: വാക്കുതര്‍ക്കത്തെത്തുടര്‍ന്ന് ഹെല്‍മറ്റു കൊണ്ട് അയല്‍വാസിയുടെ അടിയേറ്റ വൃദ്ധന്‍ മരിച്ചു. എരഞ്ഞിപ്പാലം രാരിച്ചന്‍ റോഡില്‍ ചെറുകാണ്ടി ദേവദാസനാണ് (85) മരിച്ചത്. സംഭവത്തില്‍ അയല്‍വാസിയായ എരഞ്ഞിപ്പാലം ചേനാംവയല്‍ അജയ്‌ക്കെതിരെ കൊലക്കുറ്റത്തിന് കേസെടുത്തു. റോഡില്‍ വച്ച് ഇരുവരും വാക്കുതര്‍ക്കമുണ്ടാവുകയും ഇതിനിടെ അജയ് ഹെല്‍മറ്റ് കൊണ്ട് ദേവദാസിനെ അടിക്കുകയുമായിരുന്നു. പരിക്കേറ്റ ദേവദാസിനെ നാട്ടുകാര്‍ ആശുപത്രിയില്‍ പ്രവേശിപ്പിച്ചു. നടക്കാവ് പൊലീസ് ആശുപത്രിയിലെത്തി മൊഴി രേഖപ്പെടുത്തി അജയ്‌ക്കെതിരെ കേസെടുത്ത് അറസ്റ്റ് ചെയ്തിരുന്നു. പരിക്കായതിനാല്‍ കോടതി ജാമ്യമനുവദിക്കുകയും ചെയ്തു. ഇതിനിടെയാണ് ദേവദാസ് മരിച്ചത്. ഇതോടെ അജയ്‌ക്കെതിരെ കൊലപാതകക്കുറ്റം ചുമത്തി.
