മുംബൈ: പുനസംഘടനയിലൂടെ വീണ്ടും കുതിപ്പിന്റെ താളം കണ്ടെത്തി എച്ച് ഡിഎഫ് സി ബാങ്ക്. 2025 സാമ്പത്തികവര്ഷത്തിലെ ആദ്യ സാമ്പത്തിക പാദത്തില് 5.8 ശതമാനത്തിന്റെ വളര്ച്ച നേടിയ ബാങ്ക് 17,120 കോടി രൂപയുടെ ലാഭം നേടി.
അറ്റ പലിശ വരുമാനം 6.2 ശതമാനം വളര്ച്ച നേടി 31686 കോടി രൂപയില് എത്തി. പലിശ കൂടാതെയുള്ള വരുമാനം 14.2 ശതമാനം ഉയര്ന്ന് 12,178 കോടി രൂപയില് എത്തി.
ഓഹരിയുടമകള്ക്ക് ബോണസ് ഓഹരി
ഓഹരിയുടമകള്ക്ക് ബോണസ് ഓഹരി നല്കാന് തത്വത്തില് തീരുമാനിച്ചിട്ടുണ്ട്. ഇത് സംബന്ധിച്ച് ജൂലായ് 19ന് അന്തിമതീരുമാനം കൈക്കൊള്ളും. 2019ന് ശേഷം വീണ്ടും ബോണസ് നല്കുകയാണ്. വായ്പാകമ്പനിയായ എച്ച് ഡിബിയില് എച്ച് ഡിഎഫ് സിയ്ക്ക് ഉണ്ടായിരുന്ന 10000 കോടി രൂപയുടെ ഓഹരികള് കഴിഞ്ഞ ദിവസം വിറ്റഴിച്ചിരുന്നു.
എച്ച് ഡിഎഫ് സിയുടെ എംഡിയുടെ ശമ്പളത്തില് 12 ശതമാനം വര്ധന
ബാങ്ക് വീണ്ടും ലാഭക്കുതിപ്പിലേക്ക് ഉയര്ന്നതോടെ എംഡി ശശിധര് ജഗദീശന്റെ വാര്ഷിക ശമ്പളം 12.08 കോടി രൂപയാക്കി ഉയര്ത്തി. മുന്വര്ഷത്തേതിനെ അപേക്ഷിച്ച് 12 ശതമാനം വര്ധനയാണ് നല്കിയിരിക്കുന്നത്. അടിസ്ഥാന ശമ്പളം 3.09 കോടിയും പെര്ഫോമന്സ് ബോണസ് 4.67 കോടി രൂപയും അലവന്സുകളും മറ്റുമായി 3.46 കോടി രൂപയും നല്കും. ബാങ്കിന്റെ 2.12 ലക്ഷം ഓഹരികള് ദീര്ഘകാല ഇന്സെന്റീവായി നല്കും.
