പത്തനംതിട്ട : പാറയിടിഞ്ഞ് വീണ് അതിഥി തൊഴിലാളി മരിച്ച, പത്തനംതിട്ട കോന്നി പാറമടയുടെ പ്രവര്ത്തനം നിരോധിച്ചു. അപകടത്തിന് പിന്നാലെയാണ് ജില്ലാ കളക്ടര് ഉത്തരവ് ഇറക്കിയത്.
ഉത്തരവ് നടപ്പിലാകുന്നുണ്ടെന്ന് പൊലീസ് ഉള്പ്പെടെ ഉറപ്പ് വരുത്തണമെന്ന് കളക്ടര് നിര്ദേശിച്ചു.പാറമടയുമായി ബന്ധപ്പെട്ട എല്ലാ പ്രവര്ത്തനവും നിര്ത്തിവയ്ക്കാനാണ് ജില്ലാ കളക്ടര് നിര്ദേശിച്ചിരിക്കുന്നത്. പാറയിടിഞ്ഞ് വീഴുന്നതിനാല് ക്വാറിയിലെ രക്ഷാപ്രവര്ത്തനം താല്കാലികമായി നിര്ത്തിവെച്ചു.
അപകടത്തില്പ്പെട്ട ഒരാള്ക്കായുള്ള തിരച്ചില് ചൊവ്വാഴ്ച രാവിലെ ഏഴുമണിയോടെ തുടരും. ഹിറ്റാച്ചി ഓപ്പറേറ്റര് അജയ് റായ്, സഹായി മഹാദേവ പ്രധാന് എന്നിവരാണ് അപകടത്തില്പ്പെട്ടത്. പാറ കഷണങ്ങള്ക്കിടയില് നിന്നും മഹാദേവ പ്രധാനയുടെ മൃതദേഹം അഗ്നിരക്ഷാ സേനപുറത്തെടുത്തു. മൃതദേഹം കോന്നി മെഡിക്കല് കോളേജ് ആശുപത്രിയില്.
