തിരുവനന്തപുരം: പ്രത്യേക ദുര്‍ബല ഗോത്രവിഭാഗക്കാരുടെ ക്ഷേമത്തിനായി കേന്ദ്ര സര്‍ക്കാര്‍ നടപ്പാക്കുന്ന പിഎം ജന്‍മന്‍ പദ്ധതിയുടെ ഭാഗമായി ‘ദേശീയ ആരോഗ്യ പദ്ധതികളും മൊബൈല്‍ മെഡിക്കല്‍ യൂണിറ്റുകള്‍ വഴിയുള്ള സേവനവും’ വിഷയത്തില്‍ പരിശീലന പരിപാടി സംഘടിപ്പിച്ചു. എന്‍എച്ച്എം സ്റ്റേറ്റ് മിഷന്‍ ഡയറക്ടര്‍ ഡോ. വിനയ് ഗോയല്‍ പദ്ധതി വിശദീകരിച്ചു.
സുരക്ഷിത പാര്‍പ്പിടം, ശുദ്ധമായ കുടിവെള്ളം, ശുചിത്വം, വിദ്യാഭ്യാസം, ആരോഗ്യം, പോഷകാഹാരം, റോഡ് സംവിധാനം, ടെലികോം കണക്ടിവിറ്റി, പദ്ധതിക്കായി തെരഞ്ഞെടുത്ത ഗോത്രവിഭാഗങ്ങളുടെ വീടുകളിലും ആവാസവ്യവസ്ഥകളിലും സുസ്ഥിര ഉപജീവന സാധ്യതകള്‍ ഒരുക്കല്‍ തുടങ്ങിയ കാര്യങ്ങളാണ് പദ്ധതിയിലൂടെ ലക്ഷ്യമിടുന്നത്.
