മലപ്പുറം : നിലമ്പൂര് ഉപതിരഞ്ഞെടുപ്പിന്റെ വോട്ടെടുപ്പ് സമയം കഴിഞ്ഞപ്പോള് 74.02 ശതമാനത്തിലേറെ പേര് വോട്ട് രേഖപ്പെടുത്തിയെന്നാണ് കണക്ക്. അന്തിമകണക്ക് വൈകാതെ തിരഞ്ഞെടുപ്പ് കമ്മിഷന് പുറത്തുവിടും. തിങ്കളാഴ്ചയാണ് വോട്ടെണ്ണല്.
രാവിലെ മുതല് മഴ മണ്ഡലത്തിലുണ്ടെങ്കിലും വോട്ടര്മാരെ ബാധിച്ചില്ല.എന്ഡിഎ സ്ഥാനാര്ഥിയായി അഡ്വ.മോഹന് ജോര്ജ്, ഇടതു മുന്നണിയ്ക്കായി എം. സ്വരാജ്, യുഡിഎഫിനായി ആര്യാടന് ഷൗക്കത്ത്, സ്വതന്ത്ര സ്ഥാനാര്ത്ഥിയായി പി.വി. അന്വര് എന്നിവരാണ് പ്രധാനമായും മത്സരരംഗത്തുള്ളത്.
അതേസമയം, പോളിംഗ് ഡ്യൂട്ടിയുള്ള ജീവനക്കാര്ക്ക് വെള്ളിയാഴ്ച ഡ്യൂട്ടി ലീവ് അനുവദിക്കാന് ബന്ധപ്പെട്ട വകുപ്പ്/ഓഫീസ് മേധാവിമാര്ക്ക് ജില്ലാ തെരഞ്ഞെടുപ്പ് ഓഫീസര് നിര്ദ്ദേശം നല്കി. പോളിംഗ് ഡ്യൂട്ടിക്ക് നിയോഗിക്കപ്പെട്ട ഉദ്യോഗസ്ഥരുടെ ഡ്യൂട്ടി കാലയളവ് തെരഞ്ഞെടുപ്പിന് തലേ ദിവസം രാവിലെ മുതല് വോട്ടെടുപ്പ് കഴിഞ്ഞ് പോളിംഗ് സാധനങ്ങള് സ്വീകരണ കേന്ദ്രത്തില് തിരികെ ഏല്പ്പിക്കുന്നതുവരെയാണ്.
