ന്യൂദല്ഹി: പാകിസ്ഥാനെതിരെ നടത്തിയ ഓപ്പറേഷന് സിന്ദൂര് ആക്രമണത്തില് ബ്രഹ്മോസ് മിസൈല് നടത്തിയ സംഹാരതാണ്ഡവം ലോകമെങ്ങും വാര്ത്തയായി. 100 ഭീകരരാണ് ഈ ആക്രമണത്തില് കൊല്ലപ്പെട്ടത്. 11 പാക് എയര്ബേസുകളില് ബ്രഹ്മോസ് നാശം വിതച്ചു. ഇത് കണ്ട് ഉക്രൈന് പ്രസിഡന്റ് സെലന്സ്കിക്ക് ഭയമായി.
റഷ്യയുടെ പി-ഒനിക്സ് 800 എന്ന മിസൈലിനെ രൂപഭേദം വരുത്തിയതാണ് ഇന്ത്യയുടെ ബ്രഹ്മോസ് മിസൈല് എന്നറിഞ്ഞ സെലന്സ്കിയുടെ ഉറക്കം കെട്ടു. റഷ്യ ഈ മിസൈല് തങ്ങള്ക്ക് നേരെ അയയ്ക്കുമോ എന്ന് സെലന്സ്കി ഭയന്നു.
അദ്ദേഹം നേരെ ജര്മ്മന് നേതാവിനെ കണ്ട് ജര്മ്മനിയുടെ ദീര്ഘദൂര മിസൈലായ ടോറസ് ആവശ്യപ്പെട്ടു. 500 കിലോമീറ്റര് വരെ അകലെയുള്ള ശത്രുകേന്ദ്രം തകര്ക്കാന് ശേഷിയുള്ള ദീര്ഘദൂര മിസൈലായിരുന്നു ടോറസ്. പക്ഷെ ജര്മ്മനിയുടെ ചാന്സലറായ ഫ്രെഡറിക് മെഴ്സ് സെലന്സ്കിയുടെ ആവശ്യം തള്ളിക്കളയുകയായിരുന്നു.
