ന്യൂദല്ഹി: വ്യാജവാര്ത്തകളിലൂടെ മോദിയെ അപകീര്ത്തിപ്പെടുത്താനും മോദി സര്ക്കാരിനെ ദുര്ബലമാക്കാനും ഉള്ള ശത്രുക്കളുടെ ശ്രമം പൊളിയുകയാണ്. അതിലെ ഏറ്റവും ഒടുവിലത്തെ പ്രചാരണമായിരുന്നു മോദിയ്ക്ക് കാനഡയില് നടക്കുന്ന ജി7 യോഗത്തിലേക്ക് ക്ഷണമില്ലെന്ന വാര്ത്ത. അവിടുത്തെ ഖലിസ്ഥാന് സംഘടനകളുടെ സമ്മര്ദ്ദത്തിന്റെ ഫലമായി ഇന്ത്യന് പ്രധാനമന്ത്രി നരേന്ദ്രമോദിയ്ക്ക് ജി7 യോഗത്തിലേക്ക് ക്ഷണമില്ലെന്നായിരുന്നു വെള്ളിയാഴ്ച രാവിലെ ഓണ്ലൈന് മാധ്യമങ്ങളില് കറങ്ങി നടന്ന വാര്ത്ത.
പക്ഷെ വൈകുന്നേരമായപ്പോഴേക്കും സത്യം പുറത്തുവന്നു. കാനഡയുടെ പ്രധാനമന്ത്രി മാര്ക് കാര്ണി കാനഡയില് നടക്കുന്ന ജി7 യോഗത്തില് പങ്കെടുക്കാന് മോദിയ്ക്ക് ക്ഷണക്കത്ത് നല്കി എന്നതായിരുന്നു ഈ വാര്ത്ത. ഖലിസ്ഥാന് സംഘടനകളുടെ സമ്മര്ദ്ദമൊന്നും എന്തായാലും മാര്ക് കാര്നി കണക്കിലെടുത്തിട്ടില്ലെന്നതാണ് വാസ്തവം.
ലോകത്തിലെ ഏറ്റവും സമ്പന്നരായ ഏഴ് രാജ്യങ്ങളാണ് ജി7 രാജ്യങ്ങള്. ജി7 ഗ്രൂപ്പില് ഇന്ത്യ അംഗമല്ലെങ്കിലും കഴിഞ്ഞ ഏതാനും വര്ഷങ്ങളായി മോദിക്ക് സ്ഥിരം ക്ഷണം ലഭിക്കാറുള്ളതാണ്. കാനഡയില് നടക്കുന്ന സമ്മേളനത്തില് മോദിക്ക് ക്ഷണമില്ലെന്നത് ആദ്യം ആശങ്ക പരത്തിയിരുന്നു.
“ഈ മാസം അവസാനം കാനഡയിലെ കാനാനാസ്കിസില് നടക്കുന്ന ജി7 സമ്മേളനത്തിലേക്ക് ക്ഷണം അയച്ചതില് സന്തോഷം”- എക്സില് പങ്കുവെച്ച ഈ പോസ്റ്റിലൂടെ തനിക്ക് ജി7 സമ്മേളനത്തില് പങ്കെടുക്കാന് ക്ഷണമുണ്ടെന്ന് മോദി അറിയിക്കുകയായിരുന്നു.
