ചെന്നൈ: വിവാഹം മാത്രമല്ല ഒരു കുടുംബത്തിന്റെ അടിത്തറയെന്നും പ്രായപൂര്ത്തിയായ സ്വവര്ഗ ദമ്പതികള്ക്ക് കുടുംബം രൂപീകരിക്കാന് കഴിയുമെന്നും മദ്രാസ് ഹൈക്കോടതി. തടഞ്ഞുവച്ചിരിക്കുന്ന പങ്കാളിയെ മോചിപ്പിക്കണമെന്ന് ആവശ്യപ്പെട്ട് ഒരു യുവതി സമര്പ്പിച്ച ഹര്ജിയിലാണ് ജസ്റ്റിസുമാരായ ജി ആര് സ്വാമിനാഥനും വി ലക്ഷ്മിനാരായണനും അടങ്ങുന്ന ബെഞ്ച് ഇക്കാര്യം വ്യക്തമാക്കിയത്. സ്വവര്ഗ ദമ്പതികള് തമ്മിലുള്ള വിവാഹം നിയമവിധേയമാക്കിയിട്ടില്ലെങ്കിലും ഒന്നിച്ചു താമസിക്കുന്നതില് നിയമ തടസമില്ല. ഒരു കുടുംബം സ്ഥാപിക്കുന്നതിനുള്ള ഏക മാര്ഗം വിവാഹം മാത്രമല്ല. കോടതി പറഞ്ഞു.
‘കുടുംബം’ എന്ന പ്രയോഗത്തെ കൂടുതല് വിപുലമായ അര്ത്ഥത്തില് മനസ്സിലാക്കേണ്ടതുണ്ട്, ലൈംഗിക ആഭിമുഖ്യമോ ലിംഗ വ്യക്തിത്വമോ പരിഗണിക്കാതെ എല്ലാ ആളുകള്ക്കും പൂര്ണ്ണമായ മനുഷ്യാവകാശങ്ങള്ക്ക് അര്ഹതയുണ്ട്. 25 വയസ്സുകാരിയുടെ പങ്കാളി സമര്പ്പിച്ച ഹേബിയസ് കോര്പ്പസ് ഹര്ജി പരിഗണിക്കവെ ഹൈക്കോടതി വ്യക്തമാക്കി.
വിവാഹം വേണമെന്നില്ല, സ്വവര്ഗ ദമ്പതികള്ക്ക് കുടുംബം രൂപീകരിക്കാമെന്ന് മദ്രാസ് ഹൈക്കോടതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.