തൃശൂര്:ജൂനിയര് വനിതാ ഡോക്ടര്മാര് താമസിക്കുന്ന ആശുപത്രി കെട്ടിടത്തിലെ മുറിയില് അതിക്രമിച്ച് കയറി വനിതാ യുവ ഡോക്ടര്മാരെ അപമാനിച്ച മുളങ്കുന്നത്തുകാവ് കോഴിക്കുന്ന് മഠത്തിപറമ്പില് ജയകൃഷ്ണന് (27) അറസ്റ്റിലായി.തൃശൂര് ഗവ. മെഡിക്കല് കോളേജ് ആശുപത്രിയിലെ ജൂനിയര് ഡോക്ടര്മാരെ അവരുടെ മുറിയില് അതിക്രമിച്ച് കടന്ന് അപമാനിക്കാന് ശ്രമിച്ച സംഭവത്തിലാണ് ഇയാളെ മെഡിക്കല് കോളേജ് പൊലീസ് അറസ്റ്റ് ചെയ്തത്. കോടതിയില് ഹാജരാക്കി റിമാന്ഡ് ചെയ്തു.
ചൊവ്വാഴ്ച വൈകിട്ട് ആറ് മണിയോടെയാണ് സംഭവം. പിജിക്കാരായ ജൂനിയര് ഡോക്ടര്മാര് താമസിക്കുന്ന ഹോസ്റ്റലില് അതിക്രമിച്ച് കയറിയ ജയകൃഷ്ണന് രണ്ട് വനിതാ ഡോക്ടര്മാരെ അപമാനിക്കുകയായിരുന്നു. വനിത ഡോക്ടര്മാരുടെ നിലവിളി കേട്ടെത്തിയ സഹപാഠികള് പ്രതിയെ തടഞ്ഞു വയ്ക്കുകയും അപമാനത്തിനിരയായ രണ്ട് വനിതാ ഡോക്ടര്മാര് നല്കിയ പരാതിയുടെ അടിസ്ഥാനത്തില് പൊലീസ് ഇയാളെ അറസ്റ്റ് ചെയ്യുകയുമായിരുന്നു.
