ജോഹന്നാസ്ബര്ഗ്: ദക്ഷിണാഫ്രിക്കന് വിക്കറ്റ് കീപ്പര് ബാറ്റര് ഹെന്റിച്ച് ക്ലാസന് അന്താരാഷ്ട്ര ക്രിക്കറ്റില് നിന്നും വിരമിച്ചു. കഴിഞ്ഞ വര്ഷം ടെസ്റ്റ് ക്രിക്കറ്റ് മതിയാക്കിയ ക്ലാസന് ഇന്നലെയാണ് പരിമിത ഓവര് മത്സരങ്ങള് കൂടി മതിയാക്കിയതായി അറിയിച്ചത്. ഐസിസി ചാമ്പ്യന്സ് ട്രോഫിയിലാണ് അവസാനമായി കളിച്ചത്. സെമിയില് ന്യൂസിലന്ഡിനോട് പരാജയപ്പെട്ട് പുറത്തായ ദക്ഷിണാഫ്രിക്കന് ടീമില് ക്ലാസനും ഉണ്ടായിരുന്നു.
33കാരനായ ക്ലാസന് 2018ലാണ് പരിമിത ഓവര് ക്രിക്കറ്റില് അരങ്ങേറ്റം കുറിച്ചത്. 20 ഏകദിനങ്ങളില് നിന്നായി 2141 റണ്സെടുത്തു. 43.69 ശരാശരിയില് 117.05 പ്രഹര ശേഷിയോടുകൂടിയാണ് ക്ലാസന്റെ റണ്നേട്ടം. നാല് സെഞ്ച്വറികളും 11 അര്ദ്ധസെഞ്ച്വറികളും ഉള്പ്പെടുന്നു. 2023ല് ഓസ്ട്രേലിയക്കെതിരെ നേടിയ 174 റണ്സ് ആണ് മികച്ച പ്രകടനം. 58 ട്വന്റി20 മത്സരങ്ങളിലാണ് ക്ലാസന് കളിച്ചിട്ടുള്ളത്. ഭാരതത്തിനെതിരെ നേടിയ 81 റണ്സ് ആണ് ഉയര്ന്ന സ്കോര്. 23.25 ശരാശരിയില് ആയിരത്തിലേറെ റണ്സ് മാത്രമാണ് എടുത്തിട്ടുള്ളത്.
കൂടുംബത്തോടൊപ്പം കൂടുതല് സമയം ചിലവഴിക്കാന് ആഗ്രഹിക്കുന്നതിനാല് അന്താരാഷ്ട്ര ദൗത്യത്തില് നിന്ന് പിന്മാറുകയാണെന്ന് ക്ലാസന് അറിയിച്ചു. ഐപിഎല് അടക്കമുള്ള ലീഗ് മത്സരങ്ങളില് തുടരും. ഐപിഎല്ലില് സണ്റൈസേഴ്സ് ഹൈദരാബാദ് താരമാണ് ക്ലാസന്.
