ഭുവനേശ്വര്‍: നോട്ടുകെട്ടുകള്‍ ജനാലയിലൂടെ വലിച്ചറിഞ്ഞ് വിജിലന്‍സ് റെയ്ഡില്‍ നിന്ന് രക്ഷപ്പെടാന്‍ ശ്രമം. ഒഡീഷ ഗ്രാമവികസന വകുപ്പിലെ ചീഫ് എന്‍ജിനീയര്‍ ബൈകുന്തനാഥ് സാരംഗിയാണ് അറസ്റ്റില്‍ നിന്ന് രക്ഷനേടാന്‍ ഇത്തരമൊരു ശ്രമം നടത്തിയത്.
വലിച്ചെറിഞ്ഞ നോട്ടുകെട്ടുകള്‍ പിന്നീട് സാക്ഷികളുടെ സാന്നിധ്യത്തില്‍ വിജിലന്‍സ് സംഘം പിടിച്ചെടുത്തു. വരുമാനത്തില്‍ കവിഞ്ഞ സ്വത്ത് സമ്പാദിച്ചെന്ന ആരോപണത്തെ തുടര്‍ന്നാണ് സാംരംഗിയുടെ ഭുവനേശ്വറിലെ ഫ്‌ളാറ്റില്‍ വിജിലന്‍സ് സംഘം പരിശോധന നടത്തിയത്. അംഗുലിലെ വസതിയില്‍ നിന്ന് 1.1 കോടി രൂപയും ഭുവനേശ്വറിലെ ഫ്്‌ളാറ്റില്‍ നിന്ന് ഒരു കോടി രൂപയും കണ്ടെടുത്തു.
നോട്ടുകള്‍ എണ്ണിത്തിട്ടപ്പെടുത്താന്‍ തന്നെ മണിക്കൂറുകള്‍ എടുത്തെന്നാണ് വിവരം. നോട്ടുമഴയുടെയും എണ്ണിത്തിട്ടപ്പെടുത്തുന്നതിന്റെയും വീഡിയോയും വിജിലന്‍സ് പുറത്തുവിട്ടിട്ടുണ്ട്.
പ്രതികരിക്കാൻ ഇവിടെ എഴുതുക: