കറാച്ചി : ഇന്ത്യൻ സൈനിക താവളങ്ങൾക്ക് നേരെയുണ്ടായ പരാജയപ്പെട്ട ആക്രമണത്തിന് മറുപടിയായി പാകിസ്ഥാൻ ഇന്ത്യയിൽ നിന്ന് കനത്ത തിരിച്ചടി നേരിടുമ്പോൾ ഷെഹബാസ് സർക്കാർ പാർലമെന്റിലും ഇപ്പോൾ നാണംകെട്ടിരിക്കുകയാണ്. ചിലർ പ്രധാനമന്ത്രിയെ ഭീരുവാണെന്ന് വിളിക്കുമ്പോൾ മറ്റു ചിലർ സൈന്യത്തിന്റെ നടപടിയെക്കുറിച്ച് ചോദ്യങ്ങൾ ഉന്നയിക്കുന്നുണ്ട്.
ബലൂചിസ്ഥാനിൽ സംഭവിക്കുന്ന കാര്യങ്ങൾക്ക് വേണ്ടി നമ്മൾ എന്ത് ശ്രമങ്ങളാണ് നടത്തുന്നതെന്ന് എംപി ഫസൽ-ഉർ-റഹ്മാൻ ചോദിച്ചു. ഖൈബർ പഖ്തൂൺഖ്വയിൽ എന്താണ് സംഭവിക്കുന്നത്, നമ്മുടെ സ്വന്തം രാജ്യത്തിനുള്ളിൽ യുദ്ധത്തിൽ കുടുങ്ങിക്കിടക്കുന്ന നമ്മുടെ സൈന്യത്തെ രക്ഷപ്പെടുത്തി ഇന്ത്യയുമായി യുദ്ധം ചെയ്യാൻ അതിർത്തിയിലേക്ക് മാറ്റാൻ എന്ത് തരത്തിലുള്ള പദ്ധതിയാണ് നമ്മൾ തയ്യാറാക്കിയിരിക്കുന്നതെന്നും അദ്ദേഹം ചോദിച്ചു.
ഇന്ത്യയുടെ നടപടിയോട് ഇതുവരെ എന്ത് പ്രതികരണമാണ് നമ്മൾ നൽകിയതെന്നും ഫസൽ-ഉർ-റഹ്മാൻ ചോദിച്ചു. രാജ്യം ഇതുവരെ ഇതൊന്നും അറിഞ്ഞിട്ടില്ല. ഇന്ത്യയ്‌ക്ക് നമ്മൾ ഇതുവരെ എന്ത് നാശനഷ്ടമാണ് വരുത്തിയതെന്ന് ഇതുവരെ രാജ്യത്തോട് പറഞ്ഞിട്ടില്ലെന്നും അദ്ദേഹം സർക്കാരിനെ വിമർശിച്ചു.
